МахIачкъалаллал кучардавух заллу чIарав акъа заназисса ризкьи гьарза хъанай бур. Мунийн бувну шагьрулул тIювалул коммунал хозяйствалул управлениялул бугьлан тIий бур цивппалу заназисса ризкьи, яла ми бакьлан тIий бур шагьрулул аькIри дишай стоянкардавун.
МахIачкъалаллал администрациялул ЖКХ-лул управлениялул хъунама ХIажимурад Аьбдуразакьовлул мукъурттийн бувну, чIарав заллу акъа шагьрулул кучардавух заназисса ризкьи бакьинсса цаппара кIанттурду хIадур бувну бур. Тичча гъаттара махъунмай буцин заллухъруннаща бюхъантIиссар так ризкьилул заллушиву тасттикь буллалисса документру ккаккан бувну махъ. Му бакъассагу, гъаттарал заллухъруннай аькIри дишинтIиссар, мигу лахъан аьркинссар.
