МахIачкъалаллал Ленинский райондалул прокуратуралул цалла давриву хьхьичIххуттаву ккаклакисса масъала бур балугъравун къабивминнал мурадру ва ихтиярду дуруччаву.

АьФ-лул ТК-рал 331-мур статьялул 2-мур бутIуйн бувну, оьрчIахь дарсру дихьлан къабитлай бур танмихIрайн кIункIу бувсса инсантал,
мукунма цаппара журалул тахсиркаршивуртту дурну суд-диваннахун багьсса инсантал, агана ми реабилитация дурну, жаваблувшиннарая мурахас бувну бакъахьурча.
АьФ-лул ТК-рал 351-мур статьялийн бувну, танмихIрайн бувцусса инсантуран бучIину бакъар балугъравун къабив­сса оьрчIру-душру тарбия байсса, миннан кIулшивуртту дулай­сса, бигьалагаврил ва цIуллу-сагъшиврул ялув бацIайсса, медициналул кумаг байсса, социал къуллугъ байсса аралуву зун, мукунма балугъравун къабивми хIаласса магьирлугърал, оьрчIал ва мюрщи жагьилтурал спортрал давурттавух гьурттуну зун.
Вай къадагъартту дуллали­ссар цIанасса чIумал зузиминнангу, зун бухлахиминнангу. АьФ-лул ТК-рал 65-мур статьялийн бувну (ч.1), даврийн ухлахисса инсаннал захIматрал икьрал чичлачиний, цайми документирттащал дулун аьркинссар танмихIрайн кIункIу къаувшиву мяйжан буллалисса справкагу.
Цаппарасса идарарттай масала, 56-мур лицейрал, чаннал ссуссукьусса оьрчIансса интернатрал, №6, №14 школардал зузалтрал личный делорду ххалдигьлагьиний, мукунсса справкарду къаляркъунни.
Ххалбигьавурттайн бувну, райондалул прокурорнал ми идарарттал каялувчитал жаваб­райн буцин хIукму бунни. 4 хIукму ххалбивгьуну, 100-нния ливчусса инсантал жавабрайн бувцунни.