Октябрьданул 2-нний «Сочи-2015» Дунияллул халкьуннал инвестициярдал форумрай ДР-лул экспозиция ххал дунни Аьрасатнал ХIукуматрал Председатель Дмитрий Медведевлул.
Премьер-министрнащал архIал увкIсса Дагъусттаннал БакIчи Рамазан АьбдуллатIиповлул бувсунни ганахь региондалул ккаккан дуллалисса проектирдая. Экспозициялий ккаккан дуллай бия «Авиаагрегат»
заводрал дуккан дурсса куклусса леххан лахьхьайсса самолет СР-10 ва авиациялуву ишла дайсса микроэлектромеханикалул системалул проект.
Дагъусттан Республикалул хьхьичIуннайшивурттал корпорациялул гендиректор Александр Иванченкол увкусса куццуй, ми цIусса системартту хъанахъиссар микроэлектроннал ва микромеханикалул элементру цачIун дурсса устройствартту. МЭМС-рал гьанулийсса компонентру даххаврил лагру хьуну дур гьар шинах 10 млрд. долларду. МЭМС-ру ишла дуллай бур военно-промышленностьрал комплексраву, связьрал ва навигациялул системарттаву, электроннал устройстварттаву, автомобилостроениялуву, авиастроениялуву, медициналул ва спортрал техникалуву.
Яла Рамазан АьбдуллатIиповлул бувсунни официальну ГьуцIалтIиял ГЭС зий байбишин хIадур хьуну бушиву.
Республикалул каялувчинал Дмитрий Медведевлухь бувсунни приоритетсса проектру дуз дуллай бушиву, миннувух «Обеление экономики» проектгу.
АьФ-лул ХIукуматрал хъинчулий ккарккунни региондалий дуллалисса давуртту.
ХIадур бувссар ХI. Аьдиловлул
