Щюлли чяй
Японнал аьлимтурал ххалбигьавурттайн бувну, гьарца кьини щюлли чяй хIачIайминнал къюкIлил цIуцIавурттаясса нигьачIаву чан шайсса дур 75%-рал.
Агарда гьантлун 2 чашка (300 мл.) щюлли чяйлул хIачIларча, иммунная система чялиш дуккайсса дур, инсаннал организмалуща ракрал клеткардащалгума талан шайсса бур.
Яла-яла щюлли чяй хъинсса дусса дур къюкIлин ва туннурдан. Амма аьлимтураща аьщуйн щуну бувчIин бан бюхълай бакъар циваннив щюлли чяй лухIимурнияр хъинсса, бур пикри щюлли чяйлуву чIявусса антиоксидантру бусса бур туннурду холестериндалуцIа марцI буккан буллалисса тIисса.
ЩикIалат
Давление лахъайсса инсантуран мудан даруртту канан аьркинссар инсульт къахьуншиврул. Амма аьлимтурал чIалачIи бувну бур гьарца кьини канакисса щикIалатрал инсаннан хайр бушиву, инсан къюкIлил приступ хьуну ягу инсульт хьуну ивчIанссар тIисса нигьачIишиву чан шайшиву. Гьантлун 10 гр. щикIалатрал канакисса инсан инсультрал, инфарктрал ивчIанссар тIисса нигьачIишиву чан шайсса дур 25%. ЦIансса щикIалат хъинсса душиву ччянива кIулссия, ххал барча, чаннамур (молочный) щикIалатралгу чансса хайр бакъар, шиву агьаммур бияла бур кальцийлухь ва жирный кислатIарттахь. КъюкIлил къашавайминнаннив щикIалат чара бакъа аьркинмур хъанай дур.
