«Махачкалаводоканал» ОАО-лул хъунама директор МахIаммад Муртаза­аьлиевлул 2015 шинал август зурул 1-нния 31-ннийн бияннин баян буллай ур щинал хIакъиравусса «амнистия».

И. Саидова
Щинал хIакъиравусса «амнистия» бувккун бур «Патриоты России» тIисса региондалул отделениялул каялувчитурайнсса официал чагъарданий. Му баян баврил мурадгу бур шагьрулувун нанисса щинал турбалия ихтияр дакъанна щин дурцусса, шагьрулул округ­равун бухлахисса агьалинаща, ялув кIицI лавгсса чIумул мутталий, аькIри къадуллуна, бюхъантIишиву ми закондалул ххуллийн дуцин.
«Ихтияр къаларсна щин дурцусса агьалинаща закондалийсса абонентътал хьунсса ихтиярду ласун гьан бюхъай­ссар МахIачкъала шагьрулийсса Ахъушинскийл цIанийсса проспектрайсса №16 номерданийсса «Махачкалаводоканал» ОАО-лул абонент отделданий.
Му бакъассагу, «Водоканалданул» каялувчитурал баян бунни щинал счетчикирттай пломба бишин ччиманащагу уква бишин бюхъайшиву.
«Щинал амнистия» баян був­сса чIумул мутталий ми агьали сияхIрайн лавхъун, законныйсса абонентнал их­тиярду къаласурчан, ми кIун­кIу буллантIиссар уголовный танмихIрайн ва миннай дихьлантIиссар административ аькIри.
Мукунма «Махачкалаводоканал» ОАО тавакъю буллай бур ихтияр дакъанна щин дурцусса агьали хIисав хьурчан, минная баян буван ва телефондалий: 67-82-29, ягу интернетрайхчIин: оао-mvodkanal@yandex.ru