Июль зурул 1-нний кIицI лаглагиссар Дагъусттаннал паччахIлугърал университетрал профессор, кафедралул каялувчи, физикалул ва математикалул элмурдал доктор, ДР-лул лайкь хьусса учитель, Аьвдулкьадирдул арс ХIажи МахIаммадовлул («Польский-ХIажинал») оьрмулул юбилей.
Увсса кьинигу дакIнийхтуну барча дуллай, чIа тIий бур хIурмат лавайсса чувнан, лакрал илданул дянив цIа сийлийсса инсаннан, Уручуллал жяматрал ххаллилсса арснан, Карашрал жяматралгу дахIалай чинсса куявнан, чIярусса цIуллусса шинну, цIу-цIусса ххаришивуртту ва ххуй-хъиншивуртту!
ХIажинан хас дурсса гьарза-гьартасса материал дикIантIиссар «Илчилул» хъиривсса цания ца номерданий.
Дустал, гьалмахтал
——————————
ДакIнийхтуну барча уллай буру жучIава хIурмат бусса, мяйжаннугусса зунтталчу, Буршиял Неъматуллагьлул арс Якьубов МахIаммад ниттил увсса кьинилущал .
МахIаммадлул оьрму Москавлий гьарчагу, ванал оьрмулуву лакку билаятгу, ниттил мазгу цалчинмур кIанай бур.
ЧIа тIий буру вин цIуллушиву, оьрмулуву тIайлабацIу.
МахIаммад, ина вила ичIуссаннал, оьрчIал оьрчIал ххари уллай, оьрмулул уччиннин итаннав.
Вил дустал, гьалмахтал
———————————
Ххирасса уссурвал ва ссурвал! Хасну ттула цIаниятугу, Аьрасатнал Минтрудрал «Дагъусттаннайсса МСЭ-рал Хъунмур бюро» ФКУ-лул 4 составрал коллективрал цIаниятугу барча буллай ура Мубараксса Рамазан барз бучIаврищал!
Зу дургьусса зумардугу, Аллагьнал ххуллий дуллалимургу Заннал кьамул даннав. Зу бувсса хъинсса аьмаллу дакIнийхтуну бувну лякъиннав, вания тихунмайгу так Аллагьнал рязийшиву тIалав дуллай зуншиврул кумаг баннав, дуллалимуницIун кабакьиннав! Зул иман цIакь хьуннав, дурцири ва дуллалицири дуаьрдахьхьунгу Заннал жаваб дулуннав. На гьарцаннахьхьун цIуллушиву дулуннав, гьарцагу ужагърайн барачат бияннав тIий ура. Ва Мубараксса зуруй гьарца кьини Заннаятусса цIимилул, узданшиврул дуцIиннав, жулва жяматраву куннал куннащалсса арарду ххуйгу, цIакьгу хьуннав!
Оьмарил арс ЦIинпIаев
Жамалуттин, ФКУ-рал
Дагъусттаннайсса «ГБ МСЭ-лул» 4 составрал хъунама, медициналул элмурдал кандидат, Дагъусттаннал здравоохранениялул отличник
