-Янналул ранг къаласуншиврул, шюшлашисса щинавун бичин аьркинссар 2-3 хъунна къуса цIил. ЛухIи янналул пар бучIайссар агарда гай вилагарча цIу бивчусса щинаву.

-ЦIусса нувщи ччяни марцI бан хьуншиврул пакетравун бивчуну, яла ялун цIугу бивчуну, ххуйну ссуку бан аьркинссар. -Гъилисса чIумал лагаву дарцIлай, зия къахьуншиврул кай-кай дан аьркинссар цIил щинаву итти дурсса салфеткалуву. -Пачракъатлуву (духовка) шахьлахьисса печенье къаччу­ччиншиврул лагрулувун (формалувун) чансса цIу бичин аьркинссар. -Канила ччех бикIлакIисса балугъ бугьаншиврул (марцI буллалийни) кIисри цIивун щун аьркинссар. -Ягълавлуву дагъ дуллали­сса дукра къаччуччиншиврул, ягълавлувух цIу буккан аьркинссар. -Хъя кусса, ккутI хьусса ккунук ххуйну шашан хьунтIиссар, агарда гай шахьлахьисса щинавун цIу бичирча. -Кухнилувусса ххуй дакъасса кьанкь гьан дан хьунтIиссар, агарда раковиналувун цIил щин дутIирча. -Дукра дагъ дуллалисса ххя­ххиялул нагьлил чIентIру лагмава къагьаншиврул, ягълавлувун чансса цIу бичин аьркинссар. -Найрал ягу щахха найрал дачIу риртсса кIанттайх цIу бугъарча къювугу хьхьара шай­ссар, дурухлугу къашайссар. -Курпа бивчусса (ябуллалисса) пюрундалул тIахIнилуву мюрш шатри къахьуншиврул, кисайлувун цIу бивчуну къурхъ дурну банкалуву бишин аьркинссар.

* * * Агарда ссахIван бакъахьурча: -Каруннийсса бурчувун дурхсса чапалшиву гара цIана гьантIиссар каруннайх буккарча ссиркалувун щусса лимондалул хъис. -Сирданул гъулуртусса кару марцI дайссар ххяххиялул нагьлил. -Карунная духьурча гьан дан къашайсса кIурал бувсса балугърал кьанкь пиволий кару вилагияра, кьанкь гара цIана гьантIиссар. -Агарда яру ччурча, каругу къашюршуну хъунма­сса хIал хьуну бухьурча, ишла бан бучIиссар кия канил би тIа кIисса, га чувчIав ишлану къабикIайссар.