Кьубиял шяраву хьунни Лакрал райондалул администрациялул оьрчIащалсса ва жагьилтуращалсса даврил отделданул каялувчи МахIаммад Гадаевлул ва участковый инспектор Тельман ХIажиевлул Кьубиял шяраваллил жяматращалсса хьунабакьаву.
Муний ялагу гьуртту хьунни Кьубиял школалул учительтал ва дуклаки оьрчIру. Хьунабакьаврий агьаммур ихтилат бия хIакьину Дагъусттаннай яла нигьачIисса экстремизмалул ва терроризмалул идеологиялийн къаршисса.
Ихтилатру бунни МахIаммад Гадаевлул, Тельман ХIажиевлул, Кьубиял школалул директор Муса Братиловлул, шяраваллил бакIчи Заурбаг Исуповлул, шяраваллил хъуничутурал. Цалва ихтилатирттаву вай чIурчIав дуллай бия экстремистурал хьхьичI бивхьусса мурадирттай.
Дуклаки оьрчIру цивппагу лях-карах суаллу буллай чялишну хIала бухлай бия ихтилатирттавун.
