Уттигъанну республикалул цаппара шагьрурдай ва районнай дурсса цIухху-бусулуву «Самый лучший министр» ва «Женщина года – 2014» тIисса номинациярдаву ххув хьуну бур ДР-лул культуралул министр Буттаева Зарема Ажуевна ва ДР-лул печатьрал ва информациялул министрнал хъиривчу Муслимова Миясат Щайховна.

ЦIухху-бусулуву гьуртту хьуссар оьрмулул 18 шин хьусса, личIи-личIисса миллатирттал ва диннал 1400 инсан.
Ва акциялул сиптачишиву дурну дур «Родной Дагестан» ва «Народное мнение» тIисса жяматийсса сакиншиннардил.
Жулва редакциялул ва щалва миллатрал цIания Миясат Щайховна ва Зарема Ажуевна барча буллай ва иширащал, чIа тIий буру цIуллушиву, дуллалимуниву тIайлабацIу ва дакIнийсса мурадру бартлагаву!
З. АьбдурахIманова