Декабрьданул 4-нний Аьрасатнал Президент В. В. Путиннул дурккунни Федерал Собраниялийнсса цалла Рисала. Рисалалуву ганал ккаккан бунни яла гъансса чIумуву, къабигьасса тагьардануву, билаят хьхьичIунмай хъанан аьркинсса виваллил ва кьатIаллил политикалул ххуллу-хха.
Аьрасатнал Президентнал мукъурттийн бувну, санкциярду ва нукьсаншивуртту хъанахъиссар жулва мурадирттайн биянсса стимулну. Бюрократия ва «циняв хIукмурду чагъардаву кIучI байсса хасият» — хьхьичIунмай бачаврил хьхьичIсса барунияр ххишала мюхчаншиврийнсса нигьачIавур.
Бизнесрал ва паччахIлугърал дянивсса арарду дузал дуллан аьркинссар аьмсса давурттал философиялий.
Путиннул тIалав бунни шайссаксса гьарзану дукьан бизнесрал хьхьичIсса ссуссукьушинну, бизнес азат дан ганил ялув дугьлагьисса надзордания ва контрольдания.
Путиннул пикрилий, къааьркинссар чIиримур бизнесрал ялув бацIавуртту дуллан, агарда 3 шинал лажиндарай га предприятие ччаннайгу дарцIуну, мюнпатну зийгу бакъахьурча.
Путиннул пикрилий, сияхIрайнгу ларсун, 4 шинал мутталий даххана дангу къааьркинссар цIана зузисса налогирттал система. Мукунма паччахIлугърал бакIчинал бувсунни цува офшорданул капиталданул амнистиялухлу ушиву, агана га капитал Аьрасатнавун зана хьун тIий духьурча. Путиннул пикрилий, капитал дуруччаврил яла ххуймур гарантия – националь юриспруденцияр.
Путиннул масъала бивхьунни ххуллурду баврил лагру кIилий ххи дан.
США-нал тIайланма ягу лулттува муданма Аьрасатнал чIаххувсса билаятирттащалсса арардайн оьчулийсса асарду биян буллай бур. Мунил хIакъираву хIакьину бувсунни АьФ-лул Президент Владимир Путиннул Рисалалуву.
ЛивчIмуния чичинну хъиривмур номерданий.
