Ноябрьданул 19-нний Ккуллал СОШ №2, Ризванов Кьубанчил сипталийну, хьунни чIун дакъа оьрмулуцIа хьусса жул школалул выпускник, Дагъусттаннал Халкьуннал Мажлисрал депутат, шамийла дунияллул чемпион Оьмаров Чупалав Аьлил арснал аьпалун хас дурсса ка дишаврил турнир.
Муний гьуртту хьуна 9-11-ми классирттал дуклаки оьрчIру. Вай хIадур бувну бия школалул физкультуралул дарсру дишайсса учительтал ТIилиев МахIаммадлул ва Аьлиев Къапланнул. Турнир дачингу дурну бия кIиягу. Тамашалий бувкIун бия чIявусса оьрчIру ва душру.
Дайдирхьуна турнир дарсирдая мукьах. Чупалавл оьрмулия гьарта-гьарзану бувсуна Ризванов Кьубанчил.
Ка дишаву хьуна кIушиврул 5 категориялий:
55 кг. кIушиврул дусса оьрчIаву 1-мур кIану бувгьуна Щамхалов Аьбдуллул (9 «б» кл.); 2-мур кIану – Кьадинаев Надирдул (9 «б» кл.); 3-мур кIану – ХIажирамазанов АхIмадил (9 «а» кл.).
Душвараву 1-мур кIану бувгьуна АьвдурахIманова Маржанатлул (9 «а» кл.) киямур ка дирхьуну ва Кьадирова Загьидатлул (9 «а» кл.) урчIамур ка дирхьуну.
Чурххал 60 кг. кIушиврул дусса оьрчIаву 1-мур кIану бувгьуна Кьубиев Гирамлул (9 «а» кл.); 2-мур кIану – Гъазиев Аьлиллул (10 «а» кл.); 3-мур кIану – Расулов Ризваннул (9 «б» кл.). Душвараву МахIаммадова Самерал бувгьунни 1-мур кIану (9 «б» кл.), Аминова Жамилал – 2-мур кIану (9 «б» кл.).
65 кг. кIушивруву – Аминов Арсеннул (11 «б» кл.), Алхасов Мирзал (11 «б» кл.) – 2-мур кIану.
70 кг. кIушиврий МахIаммадов Жалил – 1-мур кIану (11 «а» кл.); 2-мур кIану – Исакьов АхIма (11 «б» кл.); 3-мур кIану – Мадаев Кьурбан (11 «а» кл.).
80 кг. ххину, гьарнаяргу ххув хьунни МахIаммадов Шамил (11 «а» кл.).
Школалул линейкалий, ххув хьусса оьрчIру ва душру барчагу бувну, миннан грамотарду дуллунни, ялагу хъуни-хъунисса ххувшавуртту ласлан цIуллушиву чIа увкунни.
София Кьаллаева, Ккуллал 2-мур школданул хъунмур вожатая
