«Интерфаксрал» ва «Новости» РИА-лул баян бунни Аьрасатнал Президент Владимир Путиннул силистталул органная тIалав бувшиву махъсса 15 шинал лажиндарай Дагъусттаннай журналистал оьрмурдацIа бувсса преступлениярдал хъирив лаян ва тахсикартал танмихIрайн кIункIу бан. Ми оьхIалсса иширттал хъирив лаян Президентнахь кумаг бува увкуну бур машгьурсса журналист, инсаннал ихтиярду дуруччаврил Президентнал Советрал (СПЧ) член Максим Шевченкол.
Мунал Аьрасатнал Президентнал ихтиярду дуруччаврил Советрал вакилтуращалсса хьунабакьаврий кIицI лавгун бур 2000 шиная шинай Дагъусттаннай 15 журналист ивкIушиву ва цурда ца преступление ашкара къадуршиву хIакьинусса кьининин.
«Инсан оьрмулуцIа увсса преступление чара бакъа аьч дуван аьркинссар, оьрмулуцIа увма ци пишалул инсан ухьурчагу. Мяйжанссар, журналистал хьхьичI ххуттайми бур хIакьину, силистталул органнай каялувшиву дуллалиминнахь чара бакъа му иширах къулагъас дувара учинна», — увкунни В. Путиннул.
Мунал бувсунни цува акьлай ушиву аьрали журналистал аьрали иширттаву гьуртту хьумину ккаклан аьркиншивруцIунгу.
«Мукун барча, СМИ-рдал зузалт­раща аьркинсса медициналул кумагвагу тIалав буваван хьунссия, аьрали журналистал буниялттунгу мюхтажну бур хIукуматрал кумаграх», — увкунни Москавуллал Журналистурал союзрал председатель Павел Гусевлул.
П. Рамазанова