Июльданул 28-нний щаллара дунияллул бусурманнал дунни мубараксса Рамазан барз къуртал шаврил лишанну хъанахъисса Зумаритавал байран.
Зумаритавал байрандалун хасъсса шадлугъру Дагъусттаннай кIюрххила дуллай байбивхьуна.
Га кьини Дагъусттаннал БакIчи Рамазан АьбдуллатIипов гьуртту хьунни, цайми динчитуращал ва чак байминнащал архIал, МахIачкъалаллал Хъунмур Нюжмар мизитраву чак бавриву.
— На дакI дарцIуну ура чаннасса Зумаритавал байран хьунтIишиврий Дагъусттаннал миллатру хьхьичIуннай нанисса ва тIутIайх дичлачисса республика сакин даврил идеялул лагма лаган баврил уттигу ца далилну. Зул зумарду ва дуаьртту кьамул даннав Аллагьу Тааьланал ва Дагъусттаннай ва Аьрасатнаву ликкан баннав барачат, дакьаву ва тIутIайх бичаву, — увкунни Р. АьбдуллатIиповлул дагъусттанлувтал барча буллай.