Криминалданул хаварду

Вай гьантрай Дагъусттаннай хьунни, цукунчIав лаласун къабюхъайсса, яла дакI кьянкьаналгума бакIрай чIара дацIан дансса, оьхIалсса тахсиркаршиву. Ва хавар инсантал буслай бия куннахь кув иттах макь нани дурну. РахIму-цIими къабувну, язухъ къавхьуну цала шаппа чIиллу щуну ливтIунни цичIав багьана бакъасса, гадри кунмасса, мюрщи оьрчIру – 11 ва 12 шинавусса уссурвал.  Читать далее

Хъунмур масъала – агьалинал властьрайнсса вихшала цIулаган давур

ris_7Владимир Путин хьунаавкьунни ДР-лул Президентнал кIанайма Рамазан АьбдуллатIиповлущал.

Февральданул 1-нний Москавлив Аьрасатнал Федерациялул Президент Владимир Путин хьунаавкьунни ДР-лул Президентнал кIанайма Рамазан АьбдуллатIиповлущал.
ДР-лул Президентнал прессалул къуллугърал бувсъсса куццуй, паччахIлугърал бакIчинал бувсунни Да­гъусттаннал бакIчинал хьхьичI чIявусса масъалартту бушиву, миннувух ихтиярду дуруччаврил бутIувуссагу. В. Путиннул республикалул бакIчинан чIа кунни тIайлабацIуртту. Читать далее

Халкьуннал Мажлисрал цIусса хъанама

ris_6Февральданул 7-нний хьунни ДР-лул Халкьуннал Мажлисрал ирглий бакъасса 20-мур сессия. Сессиялий гьуртту хьунни ДР-лул Президентнал кIанайма Рамазан АьбдуллатIипов, Дагъусттаннал парламентрал депутатътал, исполнительный органнал, судирттал ва ихтиярду дуруччай органнал политикийсса партиярттал, жяматийсса организациярдал вакилтал ва СМИ-рдал каялувчитал. Читать далее

Гьассар арцурду цIиклан!

ris_5Февральданул 4-нний ДР-лул Президентнал кIанайма Рамазан АьбдуллатIиповлул дунни республикалул маэшатрал ва политикийсса тагьарданул масъалартту ххалбигьлагьисса совещание.

ДР-лул Президентнал пре­ссалул къуллугърал бувсъсса куццуй, совещаниялий гьуртту хьунни ДР-лул Госсекретарь Такибат МахIмудова, ДР-лул Мюхчаншиврул советрал председатель МахIаммад Баачилов, ДР-лул Президентнал управлениярттал хъуними ва цаймигу. Читать далее

«Власть бутIурай къадуккайссар»

ris_3Февральданул 6-нний ДР-лул Президентнал кIанайма Рамазан АьбдуллатIипов лавгунни Дагъусттаннал Ухссавнил чулийсса ца­ппара районнайн ва шагьрурдайн. Республикалул бакIчинал ххал бунни цаппара цIуну буллалисса объектру ва зузисса предприятияртту. Читать далее

Дагъусттан Респуб­ликалул печатьрал ва информациялул министрну ивтунни ХIажиев УмархIусман

[youtube]http://www.youtube.com/watch?v=IxaYVMP7bsw&feature=share&list=UUUo55UdFSDXfEMlleLcu1iw[/youtube] Дагъусттан Респуб­ликалул печатьрал ва информациялул министрну ивтунни ХIажиев УмархIусман Губайдуллагьлул арс. УмархIусман ттинингу ивкIссар вара даврий. Жу дакIнийхтуну барча уллай буру «Илчи» кказитрал дуснахь, ххалилсса, дугърисса чувнахь жаваб­лувсса, лахъсса къуллугърай итаву. ЧIа тIий буру хъунисса тIайлабацIуртту ва Дагъусттаннал пресса хьхьичIуннай дачин дансса цIуллушиву ва тавпикь.
«Илчилул» редакция

Жяматийсса низам дуручлай

ris_2

В понедельник, 4 февраля, в УОООП, состоялся брифинг с журналистами, Начальник Управления, полковник полиции Микаил Макашарипов рассказал журналистам, что выявляемость и раскрываемость преступлений за прошлый год выросли.

Уттигъанну, февраль зурул 4-нний, республикалул МВД-лул УОООП-ву (управление по организации охраны общественного порядка) хьунни ва управлениялул хъунама, полициялул полковник Микаил Макашариповлул журналистуращалсса брифинг. Милицаная полиция бувну махъ цала службалуву хьусса ххуй чулиннайсса дахханашивурттаягу кутIану бувсун, ванал журналистурал суаллахьхьун жавабру дуллунни. Читать далее

Ниттил цIуллушиву – оьрчIал цIуллушивур

ris_1«Ниттил лякьлуя арулвагу базу сагъсса оьрчI бизаннав» куну зукьлу бару жува. Цумурцагу хъамитайпалул мукун цIуллусса оьрчIру баншиврул, хъинну ялув бав­цIуну бикIай хъаннил консультациярдайсса хIакинталгу, роддомирдайсса медперсоналгу. МахIачкъалаллал 4-мур консультация шагьрулуву яла чIявусса хъами кьамул буллалимур духьунссар. Нажагьссарагу кьини къадикIай шикку жанахIраву халкь чансса. Ши­ккусса хIакинтурал бусласимунийн бувну, вайннал ца кьини кьамул бан ккаккан бувссаннуяр сайки кIилий ххишаласса инсантал кьамул буллай бусса бур. Читать далее

Даччин дакъа бувтсса оьрму

oneДакIнийн дутлай нава школалий дуклай бивкIсса шинну, ттухьра дарсру дихьлай бивкIсса учительтал, ттун хъамакъаитай ттула ххирасса учитель Мусал арс Эса, цалгу математикалул дарсру дишайсса диркIсса, цал ЧIяйннал, яла СумбатIуллал ва цаймигу школардай. Читать далее

Лакрал шаэртурал шеърирдал конкурс

lisa_1Вай гьантрай Гъумук райондалул школарттал дуклаки оьрчIал дянив хьунни лакрал шаэртурал назмурду дакIних дуккаврил конкурс. Му хIадур бувну бия Райондалул кIулшиву дулаврил управлениялул.

Зулайхат Тахакьаева
Конкурс райондалий хьу­ссар лув-ялув шамилчин, КIулшиву дулаврил управлениялул ла­кку мазрал дарсру дишаврил методист Камилат Буттаевал жаваблувшиннарайну. Респуб­ликалул конкурсрай кIилва цалчинмур кIану бувгьуссар Ккурккуллал школалул дуклаки душ Мажидова ПатIиматлул. Читать далее

Американавугу лакку мазрал буруккинттарайсса аьлимчу

nina_1Ца кIира-шинал хьхьичI ттул бакIравунвагу къабухханссия нава лакку маз сававну, мунил хIакъираву дуллалисса хъиривлаявуртту сававну, Гарвардский университетрал жагьилсса аьлимчу Нина Радкевичлущал кIул хьунсса. Щук­ру, ттизаманнул цIушиннардал гьантлия гьантлийн жухьхьунна дуллай дур укунсса каширду, гьарта-гьарза дуллай дур жущалва кIул хъанахъиминнал ккуран. Читать далее

Дувансса ва дуллалисса давуртту чIярусса дур

kkuliiЗунттавусса шяраваллаву хIакьину яхъанахъисса жулва халкьуннал хIалкьазия, ялун уруган, къумасса кьакьардавух най чIаларчагу, вайннал къатта-къушлийн увхсса чIумаллив ххуй чулинмайми пикрирдугу хIасул шай. Мукунсса пикрирдащал архIал аьлтта чIалангу бикIай гьарца иширавугу дуллалисса даву бакIуйн дуккавугу инсаннал цалва хIарачатрайн хъар хъанай бикIайшивугу. Гьай-гьай, жулва оьрму чIявумур чIумал жула ялувсса къуллугъчитурал хъит учаврицIунгу бавхIуну бикIай. Мунияту, ларгсса шинал дуван бювхъусса давурттаятугу цIуххин, Ккуллал райондалул хъуниминнал жухарасса аякьа цукунсса дуссарив кказит буккултрахьгу бусан, на хьунаавкьуссияв Ккуллал муниципалитетрал райондалул депутатьтурал собраниялул председатель, Сяидлул арс Гуйдалаев ХIамзатлущал. Ванал ва ттул дянив хьуна укунсса ихтилат. Читать далее

ХIакьмунил тава-тагу ххуллу ласайссар

kkulВа оьрмулуву хьукъашайсса ишру къабикIай. «Вила яруннин ххал къавхьумунийн, вичIан къабавмунийн вих хьун анавар мауккаванна» тIунгу бикIай. Аммарив жува, ца-ца чIумал, мунин личIи-личIисса, аьркиншиннагу дакъанна, инсаннай бакъу бишин, га кьюкьин ансса махъ учингу анавар буккару. Му бунагьрангума ккалли байсса бур. Амма…

Ва ххуллухсса ттул ихтилатгу, гьамин, укун ца хъис тахсир цайва бакъасса, ялунгума цIа дуван, чIявучин эбратран ккаккан уллансса инсаннай гъибат бишаврия ва тIайламунил, хIакьмунил ахиргу ххуллу ласаврияр. Читать далее

Адам Къинпаевлул кунмасса хьуннав цинявнная бивзми

На, ЧIурттащатусса Давыдов ХIусайн , Хъунмасса Буттал кIанттул цIанийсса дяъви къуртал хьусса шинал дахьа 1-мур классравун заназисса оьрчI ура. Ттула уссугу аьрая учIан увая, 4-5 гъанссаннаягу ливтIусса похоронкартту дуркIуна. Читать далее

Хьувши

huv_4Лакрал билаят хъунмасса бакъари. ЧартIуйн лавхъун ургарча, щаллара лакрал аьрщи чIалан дикIай: ухссавнил чулуха – ТтурчIайнна зунтту, кьиблалул чулуха – КьукIма-зунтту, баргъбуккаваллил чулуха – Щуну- зунтту, баргълагаваллил чулуха – ПпабакIу-зунтту.
На шикку кIицI лагав ЧартIу зунтту тIисса цIагу. Бюхъай чIявуми лакран ЧартIу тIисса цIагу къакIулну дикIан, амма мунияр хъинну лагьсса ТтурчIиял-зунттугу, Щуну-зунттугу кIулссар. ЧартIуй диялдакъашин цари дусса: Бурши бур му цал зунттур тIий, Хьувшигу – цалли тIий. ЧартIул баргъбуккаваллил чулух дур Хьувшиял шяравалу, баргълагавал чулух – Буршиял шяравалу. Читать далее

Даниял Магьдиев

dan_1Ябуванну лакку маз

Кисловрайсса Аьлиллун

БикIийча вай ххару лахъи бакъасса,
Ттул вихь барчаллагьну дакIнийхтунусса
Инава ккакканнин ттун вия бавссар,
Дустурал вияту цимилгу куссар.

Хъунмасса шагьрулий, Аьрасатнаву,
Лакрал кулпатраву хъамалу хьура:
Ниттил, буттал, оьрчIал багьу-бизулий,
Къатлул узданшиврий махIаттал хьура.

Хьулул нуз тIитIайхту, тIайланма чIирай
Гъумучиял шагьру суратрай бия.
«Ча увкра, Лаккуйнмай ци хаварду бур?» —
МарцIсса лакку мазрай ттухьхьун суаллу. Читать далее

Ханажи

Ханажи чув бивкIссар, миннал цими къатта бивкIссар, ялагу цайми-цайми суаллу бикIай личIи-личIисса чичрурдаву. Ханажиял щар диркIшиву тарихраву бур, ялагу лакрал улча махIлардайх бавчIусса чIумал, Аьли Къаяевлул чичрулийн бувну, Ханажи бивкIун бур Маччайннал махIлалул дяшяравалуну, цилвагу бивкIун бур азарва къатта, шяравалу цурдагу диркIун дур ВацIиллул ухнилу Хъуннеххал урчIачулий. Ванийну чIалай бур ва шяравалу Хьурттал аьрщарай диркIшиву. Читать далее

Дуаь

duaЯ, Хъунасса Аллагь, кашилул заллуй, халкь ляхъан бувма, цIими бишайма. Ина ва кIанай бувккусса кьулгьу-кьуран, бивхьусса зикри, дурсса дуаь, цуксса гъалатIну, гъапулну, тадвид дакъа хьуну духьурчагу, инара щаллу дурну, тIайладацIан дурну, кьамул дува. Читать далее

Диртун хъинавав, къадиртун хъинавав найрал дачIу

beeХьхьичIавассагу ва цIанассагу аьлимтурал ккаккан буллай бур найрал дачIу (нурчIу) чIярусса азардан дарувсса душиву. Мунияту найрдучитурал учай «ританнав вийн найрал дачIу» куну. ТIайлассар, сагъсса инсаннал бигьану духIайссар 5-10 ва ххишалагу цакуну диртсса дачIурду, миннуя зарал къабияйссарча, ялунгума хайрссар. Читать далее

«Жува ца командару, ца агьлуру, ца республикару»

fog_20В среду, 30 января, в Махачкале, состоялась церемония официального представления временно исполняющего обязанности Президента Республики Дагестан Рамазана Гаджимурадовича Абдулатипова активу республики.

Январь зурул 30-нний МахIачкъалалив Республикалул активран ккаккан унни Дагъусттан Республикалул Президентнал къуллугъ чIумуйсса биттур буллантIисса Рамазан ХIажимурадович АьбдуллатIипов.

Тикку гьуртту хьунни АьФ-лул ХIукуматрал Председательнал хъиривчу, АьФ-лул Президентнал СКФО-райсса вакил Александр Хлопонин, Дагъусттаннал экс-президент, АьФ-лул Президентнал Администрациялул Каялувчинал хъиривчу МахIаммадссалам МахIаммадов, ДР-лул Халкьуннал Мажлисрал Председатель МахIаммад-Султан МахIаммадов, ДР-лул ХIукуматрал Председатель МахIаммад Аьбдуллаев, ДР-лул ПаччахIлугърал секретарь Такибат МахIмудова, ДР-лул ХIукуматрал члентал, АьФ-лул ПаччахIлугърал Думалул ва ДР-лул Халкьуннал Мажлисрал депутатътал, районнал ва шагьрурдал бакIчитал ва цаймигу. Читать далее

Республикалул парламентрал сессиялий

Январьданул 31-нний хьунни ДР-лул Халкьуннал Мажлисрал 19-мур сессия. Тикку гьуртту хьунни ДР-лул Президентнал кIанайсса Рамазан АьбдуллатIипов, мукунма исполнительный властьрал органнал, судирттал ва ихтиярду дуруччай органнал вакилтал ва цаймигу. Читать далее

Дагъусттан аьдлу-низамрах мякьну бур

Аххана унни Москавуллал Дагъусттаннал Президент. ПаччахIнал заманнай оьруснал халкь ххуйсса «царь-батюшка» увкIун, низам дишинтIиссар, аьдлулий агьалинал оьрму бигьа бантIиссар тIий вихшалдарай бивкIсса кунма, жувагу буру, ттигу-шилагу, Москавуллан кIул хьуну Дагъусттаннайсса тIайладакъашивуртту, тIайлабакъултгу бат бувну, тIайласса, аьдилсса, агьалинай цIими бусса хъунама итанссар Дагъусттаннай тIийнма вихшалдарай. МахIаммадссалам МахIаммадов ивтнийгу буссия жагьилсса, дурккусса хъунаманал дуванхьуви низам, ласунхьуви тIайламур ххуллу, хьунхьуви чанссарагу ххуй чулиннайсса дахханашивуртту тIий. Читать далее

Республиканская газета "ИЛЧИ" на лакском языке