Все записи автора ilchi

Гъумучиял Нажмуттиннуя ЦIахъардал Рамазаннул бувсмур

chi_5Аьлил арс Аьлиев Рамазан увну ур 1932 шинал Ахъушиял райондалийсса КуркIайлив. Ва ур цала жяматраву яла гьарзами хъу-лухччал, 2500-нния ливчусса яттил, 500-ннийн бивну бивкIсса гъаттарал заллухъруну бивкIсса агьулдануву хъуна хьусса, чIивину унувава яттичIан занай аьдат хьусса инсан. Читать далее

Щилли президент увчIин аьркинсса?

Сентябрь зуруй Дагъусттаннай цIакь увантIиссар республикалул бакIчи. Жунма къакIулли му къуллугърай цу итантIиссарив, ягу цу увчIинтIиссарив. Му иширал хIакъираву агьали кIи-шан бивщуну бур: цавай бур парламентрал увчIин аьркинссар президент тIий, цавайгу – дагьайкунсса бувчIавуртту дурну увчIин аьркинссар тIий. Президент вилгу, ттулгу, гьарманалгу, гьаннайсса, президент ур. Гьарманахьгу ихтияр дур цалвамур пикри бусансса. Читать далее

Лакку луттирду шяраваллил библиотекардан

chi_4Миллатрал культура, литература ядавриву хъунмасса бутIа бихьлахьи­сса «Дараччи» ккурандалул чIун-чIумуй дувай миллатран хайр-мюнпатрансса давурттив. Мукунна ххуйсса даву дунни «Дараччилул» вай гьантрайгу – «Миллатирттал луттирду шяраваллал библиотекардан» тIисса цIанилусса акция. Читать далее

Инт кунмасса хъамитайпа

ДакIнин ларсъсса даврий зий оьрму лавгнугу, бизар къашай­ссар, учай. Мукунма учай, оьрмулухун зий ивкIсса инсаннан, пенсиялийн уккайхту даву дакъа личIавуксса хъунмасса танмихI цамур бакъассар, кунугу. Ми мукъурттил тIайлашиву тасттикь банссар хIакьсса зунттал хъамитайпа, оьрмулухсса ва даврихсса гьавас лекъащайсса Сулайманова Сагъират Аьлиллул душнилгу. Читать далее

Расул Мирзаевлущалсса хьунабакьаврий

chi_3Дагъусттаннал цIа дурксса спортчи, хIала-ккаласса дандибу­ккавурттал дунияллул чемпион Расул Мирзаев мартрал 31-нний Къазахъисттаннай ххув хьуссар къазахнал хьхьичIунсса спортчи Ержан Естановлуяр. Мунил хIакъираву Р. Мирзаев хьунаавкьунни республикалул журналистътуращал. Читать далее

Авиабилетирттал хIакъираву

chi_2Махъсса ппурттуву СМИ-рдай, интернетраву чIявусса ихтилатру най бур МахIачкъалалия Москавливсса авиабилетирттахсса багьри гьаз шаврицIун бавхIусса. Агьалинан бувчIлай бакъар му ссацIун бавхIуну буссарив.
Ва масъалалийн ва АхIмадхан Султаннул цIанийсса МахIачкъалаллал аэропортрал даврицIун бавхIусса цаппара цаймигу масъаларттайн багьайсса ихтилатру хьунни уттигъанну хьусса «Авиалинии Дагестана» ОАО-лул каялувшиннарал пресс-конференциялийгу. Читать далее

ОьрчI бакъасса кулпатирттансса тирххандарал хавар

chi_1Апрельданул 12-13-нний МахIачкъалалив ДР-лул ЦIуллу-сагъшиву дуруччаврил министерствалий хьунни «Современные подходы к лечению бесплодного брака. Экстракорпоральное оплодотворение в Дагестане – настоящее и будущее» цIанилусса репродуктивный медициналун хасъсса Республикалул элмулул ва практикалул конференция. Читать далее

Жижара

jjrr_4МахIаммад Аьбдуллаевич МахIаммадов
2013 шинал апрельданул 15-нний оьрмулул 63-мур шинаву къашавай хьуну оьрмулува лавгунни МахIаммадов МахIаммад Аьбдуллаевич – чIявучин кIулсса жяматийсса ва политикийсса ишккакку, ДР-лул шагьрулул хозяйствалул сакиншинначи.
М.А. МахIаммадов увссар Ахъушиял шяраву 1950 шинал сентябрьданул 10-нний Уручуллал шяраватусса къуллугъчинал кулпатраву. Читать далее

«Дагъусттаннал ялунбучIантIимур ниттихъал кIунттихьри»

boto_13Апрельданул 4-нний МахIачкъалалив Къумукьнал театрдануву хьунни
«Дагъусттаннал ялунбучIантIимур ниттихъал кIунттихьри» тIисса республикалул цалчинсса ниттихъал форум.

Залму АьбдурахIманова
Шикку гьурттушинна дурунни Дагъусттаннал Президентнал врио Рамазан АьбдуллатIиповлул, ДР-лул ХIукуматрал Председательнал хъирвчу Анатолий Карибовлул, ДР-лул Жяматийсса палаталул председатель ХIамзат ХIамзатовлул, Дагъусттаннал халкьуннал шаэр Фазу Аьлиевал, ДР-лул министерстварттал ва ведомстварттал вакилтурал, республикалул муниципал сакиншиннардил каялувчитурал, республикалул жяматийсса организациярдал каялувчитурал, личIи-личIисса сферардаву зузисса хъаннил ва кулпатраву чIявусса оьрчIру бусса ниттихъал. Читать далее

КIанттул цилакаялувшиврул органну — властьрал лажинни

boto_15Апрельданул 10-нний МахIачкъалалив хьунни ДР-лул Муниципал сакиншиннал советрал ассоциациялул батIаву. БатIаврий гьуртту хьунни ДР-лул Президентнал кIанайма Рамазан АьбдуллатIипов.

БатIаврий махъ лахълай, Муниципал сакиншиннал советрал председатель, МахIачкъалаллал бакIчи Сяид Амировлул бувсунни ххалбигьин бушиву Советрал 2012 шинал дурсса давурттал хIасиллу, ккаккан бан захIматсса масъалартту, ми щаллу бансса чаранну ва ялун дучIансса чIумул масъалартту. Читать далее

Президент хъурдуккаврил байрандалий

boto_14Апрельданул 6-нний ДР-лул Президентнал кIанайма Рамазан АьбдуллатIипов къуллугърал аьрххилий лавгунни Лаващиял райондалийн.

Ганащал архIал лавгунни ДР-лул Президентнал ва ХIукуматрал Администрациялул каялувчи Шагьаьппас Шагьов, ДР-лул ХIукуматрал Председательнал хъиривчу Абусупиян Хархаров, ДР-лул финансирттал министр Аьбдуссамад ХIамидов, ДР-лул ФМС-рал Управлениялул хъунама Ражаб АьбдуллатIипов ва цаймигу. Читать далее

Халкьуннал аьдатру дуручланшиврул

boto_12Мартрал 5-7-нний МахIачкъалалив Р. ХIамзатовлул цIанийсса Миллатирттал библиотекалуву хьунни регионнал дянивсса «Совершенствование деятельности культурно-досуговых учреждений клубного типа как Центров по сохранению традиционной культуры народов России» цIанилусса совещание-семинар. Мунил сакиншинначитал бия ДР-лул Культуралул министерство, Рес­публикалул Халкьуннал творчествалул къатта, Республикалул дуккаврил ва методикалул центр. Читать далее

ХIукуматрал вакил ЦIуссалаккуй

boto_11Апрель зурул 2-нний Дагъусттаннал ХIукуматрал председательнал хъиривчу Рамазан Жяъпаров ивунни ЦIуссалакрал райондалийн, гийхсса иш-тагьар ххал дуваншиврул.

Райондалул хъунама ХIажи Айдиевлущал ва Халкьуннал Мажлисрал депутат Зайнуллагь Мирзоевлущал Рамазан Жяъпаров ивунни Гьамиящиял, ЦIуссамехелтIиял, Ямансулийсса буллай къуртал къабувсса школардайн.
ХIажи Шихамировичлул бувсунни цIусса дуккаврил шин дайдишиннин ЦIуссамехелтIиял школалунсса агьаммур корпус бувну къуртал буван багьлай бушиву, тавакъю бунни хIукуматрал вакилнахь му иширан кабакьу бува куну. Читать далее

Аьрххи – ГьунчIукьатIрал шяравун

Нанисса шинал графикрайн бувну, райондалул бакIдургьуми, идарарттай, организациярдай каялувшиву дуллалими, жаваблувсса зузалт жяматращал хьунабавкьусса мукьулчинмур шяравалуну хьунни ГьунчIукьатIралмур. Читать далее

Хъювхъиялгу хъарас щунни

boto_10Инт. КутIасса бухьурчагу ва махъ, ванил инсаннал дакIниву хIасул бувайсса асардумур лахъисса хIаллайсса ва чаннасса бикIай. Му тIабиаьтрал чIумух ялугьий бикIай инсантал, ичIаллил ва вахIшими хIайвант, лухччиний ххяххайсса уртту, мурхьру. Читать далее

Хъарас щаврил байран Гъумук

boto_9Лакрал хъуншагьрулий, мина-гьанулул агьлу сайки бухвалавгун, лагма щархъавасса, хIатта чил миллатиртталссагума чIяву хьусса чIумал, ппухълуннал аьдатру ядангу къабигьар. Инт дучIаврищал лакрал щархъаву байбивхьунни Хъарас щаврил байранну дуллай. Читать далее

Арцу духьурча, даву дан бигьассар

boto_7Агарда ххуллурду ремон бувансса давурттив жухьхьун къадулурча , ххуллурду ябаврин итадаркьусса арцуйну чIалачIисса давур­ттив дуван бюхълай бакъар.

Уттигъанну ххуйсса, дяркъу дакъасса, кIюрх духьувкун, на ссят 9 хьуннин Ваччав иянсса кьяйдалий, буттал шярава Вихьлияту пуч ххуллийн увкссияв. Бунияла яруннил хьхьичIсса лахъ зунттал цала чурххардийсса «кIяла хурурду» бачIи цигантуран бавххуну, ливчIминнулгу хъачIурдияту ликкан бувну бия. Читать далее

«ОьрчIалми вяйлиявуртту чIяру хъанай дур»

boto_5Аьмну хьуну дур 32 кьанун зия дуваву. Миннувату дур 13 экономикалул зумунусса, 4 цурк бувсса, 3 дур ярагъ ябуллай икIаврицIун дархIусса ва мукунна личIи-личIисса багьанарттащалсса. Читать далее

Лакрал диндалул тарих аваданссар

boto_3Уттигъанну МахIачкъалалив СайидмухIаммад-хIажи Абубакаровлул цIанийсса фондрай хьуну бур Теологиялул институтрал муаьллим Аьйшат-хIажи ХIажиевал «Лакрал щайхтал, валийтал, аьлимтал» тIисса лу дунияллийн буккаврин хасъсса хъунмасса конференция. Ва иширая чивчуну буссия жул хьхьичIмур номерданийгу. Читать далее

Агьалинаха ва элмулуха зий

boto_1Апрель зурул 15-нний 75 шин хьунтIиссар ттизаманнул медицина хьхьичIуннай давриву биялсса бутIа бивхьусса ва медициналул тарихраву цIа личIантIисса машгьурсса хирургнан, 1-мур ЦIувкIратусса Щайхрамазаннул арс Рамазанов КьурбанмахIаммадлун, медициналул элмурдал докторнан, профессорнан, восстановительно-сосудистая хирургиялул центрданул хъунаманан. Читать далее

Дуккаврил масъалартту ххал бигьинтIиссар

Апрельданул 10-нний Журналистурал пресс-клубраву хьунни чIал къавхьуну Дагъусттаннай хьунтIисса цалчинсса образовательная выставкалун хас дурсса пресс-конференция. Щалвагу Аьрасатнал лагрулийсса му выставка «Путь к карьере: ученик – студент – профессионал» тIисса цIанилу дикIантIий дур Р. ХIамзатовлул цIанийсса Миллатрал библиотекалуву апрель зурул 19-20-нний. Читать далее

Уттигу ца Аьрасатнал чемпион

sport_3Мартрал 15-18-нний Москавуллал областьрайсса Раменское шагьрулий хьусса, яруннин чани чанминнал дянив шайсса, дзюдолул Аьрасатнал чемпионатрай ххув хьунни лакку оьрчI Заур Жабраилов. Жун кIулну ва хъанай ур лакравату хьусса дзюдолул цалчинма билаятрал чемпион. Читать далее