Все записи автора ilchi

Жижара

jijra_4ХIанапихъал Малик Ибрагьиннул арс
ОьхIалсса апатI савав хьуну, март зурул ахирданий, оьрмулул аргъираву ахиратравун лавгунни Вихьлиятусса ХIанапихъал Ибрагьиннул арс Малик. Маликлул дия оьрмулул дурагу зувиллий шанна шин.
Малик увссар 1979 шинал Вихьлиясса Ибрагьиннул ва Къяния­сса Уммусалиматлул кулпатраву. Читать далее

«Дагъусттаннал ялунбучIантIимур ниттихъал кIунттихьри» -республикалул цалчинсса ниттихъал форум

fotso_12Апрельданул 4-нний МахIачкъалалив Къумукьнал театрдануву хьунни «Дагъусттаннал ялунбучIантIимур ни­ттихъал кIунттихьри» тIисса республикалул цалчинсса ниттихъал форум.

Шикку гьурттушинна дурунни Да­гъусттаннал Президентнал врио Рамазан АьбдуллатIиповлул, ДР-лул ХIукуматрал Председательнал хъиривчу Анатолий Карибовлул, ДР-лул Жяматийсса палаталул председатель ХIамзат ХIамзатовлул, Дагъусттаннал халкьуннал шаэр Фазу Аьлиевал, ДР-лул министерстварттал ва ведомстварттал вакилтурал, республикалул муниципал сакиншиннардил каялувчитурал, республикалул жяматийсса организациярдал каялувчитурал, личIи-личIисса сферардаву зузисса хъаннил ва кулпатраву чIявусса оьрчIру бусса ниттихъал. Читать далее

Ялув бацIаврил ва финансирттал органну багьайкун зуншиврул

fotso_21Апрельданул 2-нний ДР-лул Президентнал кIанайма Рамазан АьбдуллатIиповлул дунни республикалул ялув бацIай органнал даву лайкьсса даражалийн диян даврин хасъсса совещание.

Совещание тIитIлай, Р. Аьб­дуллатIиповлул бувсунни контроль му хъинну агьамсса ва бунияласса даву душиву. Ганал му­къурттийн бувну, махъсса ппурттуву жулва гужру мадара чялишну къуццу тIий бур. Экономикалул мюхчаншиврул управлениялул бунни цаппара тIайлабацIусса акцияртту. Читать далее

Дагъусттаннал ялун бучIанмунихлу

fotso_20Мартрал 31-нний (бигьалагай кьини) ДР-лул Президентнал кIанайма Рамазан АьбдуллатIипов гьуртту хьунни «За будущее Дагестана» тIисса Жагьилтурал стратегиялул сессиялий. Сессия хьунни Дагъусттаннал халкьуннал хозяйствалул институтраву. Читать далее

Ихтилатирттал хъирив давурттивгу дулланхьуви

Ларгсса нюжмар Ккуллал райондалий инсантуращал къуллугъчитал хьунабакьаврил чулуха авадансса дия. Гьай-гьай, укун хьунабавкьусса чIумал гьаз буллан бикIай жямат чара бакъа биттур буван багьлагьисса буруккинттарайн буклакисса масаларттугу. Ялагу ххи буван ччива ца укунсса затгу. Читать далее

Дагъусттаннал каширду чIяруссар

fotso_19Ларгсса нюжмар кьини Лакрал райондалий хьунни ДР-лул ХIукуматрал хъунаманал хъиривчу Юсуп МахIаммадовлул райондалул активращалсса хьунаакьаву.

Зулайхат Тахакьаева
Юсуп МахIамадовлущал бувкIун бия ДР-лул Халкьуннал Мажлисрал миллатирттал дянивсса арардал, жяматийсса ва диндалул ккураннал комитетрал хъунама Камил Давдиев, ДР-лул Жяматийсса Палаталул хъунаманал хъиривчу, «Вираж» СМУ-рал хъунама Ссапар Аьбдуллаев. Читать далее

Ватандалухасса балайрду машгьур буллай

fotso_2Ттигъанну Лакрал райондалий хьунни аьдатравун багьсса ватандалухасса балайрдал конкурс «Ттун ина ххирара, Аьрасат» тIисса темалун хас бувсса. Конкурсрал сакиншинначитал бур райондалул администрациялул Жагьилтуращалсса ва оьрчIащалсса даврил ва туризмалул отдел, КIулшиву дулаврил управление, Магьирлугърал къатта ва библиотека. Читать далее

«Ттун, тачIав бакъачIин ххирану бур оьрмугу, инсанталгу»

fotso_8Ларгсса нюжмардий, мартрал 28-нний МахIачкъалалив А. Тахо-Годил цIанийсса Дагъусттаннал ПаччахIлугърал цачIун був тарихрал ва архитектуралул музейраву хьунни Дагъусттаннал халкьуннал чичу, ДР-лул Хъаннил союзрал председатель, «Зунттал хъами» журналданул хъунмур редактор Фазу Аьлиевал творчествалун хас дурсса батIаву. Мунивух гьуртту хьунни шагьрулул интеллигенция, дуклаки оьрчIру. Читать далее

Хъурдаккаврил байран ГьунчIукьатIув

fotso_3ХьхьичIрасса, буттахъал аьдатирттава жучIанна дирссаннува­сса цану хъанай дур Хъурдаккаврил байран. Интдайдихьулул гьантрай, тIабиаьт шанава чантI увкуну, щюллишиву, ущу-щулгъи чаннайн, гъилишиврийн кIункIу тIун бикIайхту, жулла шяраваллаву байбишай ва байрандалун хасъсса мажлисру буллай. Март зурул 30-нний ГьунчIукьатIрал шяравугу хьунни Хъурдаккаврил байран. Читать далее

Яла нигьачIиймур масъала аьрщаралмур бур

fotso_9Мартрал 26-нний МахIачкъалалив ДР-лул Россельхознадзорданул Управлениялий хьунни ва идаралул ларгмур шинал дурсса давурттал хIасиллая бусласисса пресс-конференция.

Шикку гьурттушинна дурунни ДР-лул Россельхознадзорданул Управлениялул каялувчинал буржру биттур буллалисса Идрис Аьзиевлул, АьФ-лул хIукуматрал дазуйсса Ветеринар контрольданул ва транспортрал отделданул хъунама ХIажимурад Аьзаевлул, Россельхознадзорданул Управлениялул каялувчинал хъиривчу Карим Каримовлул, АьФ-лул хIукуматрал дазуйсса Фитосанитариялул контрольданул отделданул хъунмур Марина Мурсаловал. Читать далее

Виричунал цIанийсса музейрах къулагъас аьркинни

ЧIявучин кIулсса куццуй, Гъумуксса тарихрал ва буттал улча ла­хьхьаврил, Муса Маннаровлул цIанийсса музей бивхьуну буссар жула ххаллилсса зунтталчу, Совет Союзрал Виричу, жуна цинявннанагу бусравсса Муса Ххираманнул арснал къатраву. Къатри бувну бур 1989 шинал. Декабрьданул 21-нний, 2012 шинал там хьунни 25 шин Муса аьламравун левххун. Читать далее

Ватандалул заллухъру

fotso_18Урттугу щюллисса
Щингу дяркъусса,
Щамагу хьхьинякIсса,
Ттул буттал улчай.

Укунсса махъру дакIнийн багьуна ттун, жула Ккуллал райондалул хъунмурну хъанахъи­сса, Ваччиял шярава, Ккул-Хъусрал чулинмайсса ххуллияту, пагьламантурал шяраваллил чулинмай нани­сса ххуллийн увккун, бакIрал ялувсса зунттурду янилун багьайхту. Читать далее

Чумартсса чув Ярагъи

fotso_17МахIаммадов Ярагъинал цалва аькьлу-кIулшиву ишла дуллай щалва цалва оьрмулул ягинми шинну хас дурссар Ккуллал райондалул школардал оьрчIан, щаллара райондалул инсантурал кутак гьаз дуллалаврил ялувгу чIярусса бакIцIуцIаву дуллай икIаврингу. Читать далее

Билаятрал Президентнал магьирлугърал советраву Дагъусттаннаясса вакил

fotso_16ДР-лул Культуралул министрнал хъиривчу, Халкьуннал творчествалул къатлул директор Марита МухIадова март зурул 25-нний гьуртту хьунни Москавлив магьирлугърал жагьилсса деятельтуран Аьрасатнал Президентнал премияртту дуллалисса шадлугърай, Аьрасатнал ПрезидентначIасса магьирлугърал советрал член хIисаврай. Читать далее

Спортрал министр журналистътурачIа

fotso_15Вай гьантрай Журналистътурал союзрай хьунни ДР-лул физкультуралул ва спортрал министр МахIаммад МахIаммадовлул пресс-конференция. Га бачин бувну ия ДР-лул Журналистътурал союзрал председатель Аьли Камалов. Читать далее

Лакрал школалул тарихрава

fotso_5

Октябрь революция хьуну махъ дуккаврихсса, школарттахсса бургаву бусан къашайсса куццуй ххуй хъанай дарчуну дур. Лакрал дуккаврихсса гъира хьхьичIвагу бивкIхьурча, ттирив хъиннува ян хьуну бур. Мугьали бувксса кунма, дуккаврихун бивчуну бур агьали. Му мугьалттул бакIрай дуккаврилсса буллай бивкIминнал цIардугу хъамакъаритансса дур. Читать далее

МЮНПАТССА МАСЛИХIАТРУ

arrayКкунукру сагъну бурив кIул бан чча­рча, ца тIясравун дутIара 10 см. лахъшиврийсса щин, бишара ги­ву ккунукру. Сагъми ккунукру чIа­нулува личIантIиссар. Агарда кку­нукрал ца чул гьаз хьурча, гай ана­варну ишла бан аьркинссар, цан­чирча лавай гьаз хьусса ккун­у­кру зияссар. Читать далее

Чув ликканна ина, жул ссаламращал

voyadjer«Вояджер-1» ва «Вояджер-2» — ми бур кIива космосрал аппарат-кIинничу, гьарцаннул дур 723 кило. Ми хIакьинугу зий, ккаккияртту дучIан дуллай бур. Ми мадара хъунисса аькьилсса роботрур. Ми зий буссар атомрал батареярттайну, миннуву буссар ракетарттал двигателлу, компьютерду, радиосвязьрал управлениялул ва элмийсса приборду, цайми планетартту ахттар буллан. Читать далее

ПатIимат Бариева дакIнийн бутлай

ПатIимат Рамазанова
fotso_7Буниялттунгу, лихъа-хъирив хьусса дучрал ракъудалул бущилий, анаварну лагайсса дур шинну. Лахьхьу-цархьхьу «Илчилул» редакциялий ккавксса кунма бура гьунар бусса журналист, таржумачи ПатIимат Бариева. Му дунияллия лавгун тIурча март зурул 18-нний ацIра шин хьуссар.
Микссара шинну дурссар ПатIиматлул «Илчилул» редакциялий зий. АцIра шинал лажиндарай чIярусса чирчу­ссар ПатIиматлул пасихIсса, бувчIинсса лакку мазрайсса, буклакинан асар биян буллалисса макьалартту. Буккултран ххирая Бариевал макьалартту. ПасихIсса, аьщуйн щусса маз бушаврицIун, мунил чичайва бувчIинну, куклуну, бигьану буккин хьунну. Аллагьналла дуллуну дия мунин лакку мазрахсса ччаву. Къалиправун багьну, пасихIну экьинанисса даражалийсса ххару ххари-ххарину ккалан бикIайва жухьгу, «бургияра ци-бунугу цIусса ххи бан, баххана банмагу бакъарив» тIий. Читать далее

Жижара

fotso_13Кьурбаннул душ Атабекова Ххадижат
Жуятува абадлий личIи хьунни МахIачкъалаллал Дагъусттан Республикалул лайкь хьусса учитель, лакрал агьалинал бусравсса вакил Кьурбаннул душ Атабекова Ххадижат.
Цилва сайки щалва оьрму Ххадижатлул хас бувну бур кIулшиву ласаврил ва дуккаврил аралун. Кьадрулий ва кьиматрай дакъа зумух къаласай ванил цIа ванищал архIал зий бивкIминнал, ххюцIалла шинал мутталий ваницIа дарсру лахьлай бивкIминнал. Читать далее

Аьмсса тарихрал цачIун бувсса халкь

 photo_4

23марта, делегация во главе с врио Президента республики Рамазаном Абдулатиповым приняла участие в торжественных мероприятиях, посвященных Дню Конституции Чеченской республики.
Мартрал 23-нний ДР-лул Президентнал кIанайма Рамазан АьбдуллатIипов бакIчисса Дагъусттаннал делегация гьуртту хьунни Чачаннал Республикалул Конституциялул Кьинилун хасъсса шадлугъирттай.

Делегациялувух бия ДР-лул Халкьуннал Мажлисрал Председательнал 1-ма хъиривчу Николай Алчиев, ДР-лул ХIукуматрал Председательнал хъиривчу Абусупиян Хархаров, ДР-лул Халкьуннал Мажлисрал депутатътал ва цаймигу. Читать далее

Бала арх баннав, бакIлахъия дюхъаннав!

photo_1Лакрал райондалий гьарца шинал лахъа-хъунну хьунадакьайссар хьхьичIазаманная шихуннай жула ппухълунная ирсирай нанисса Интнилхьхьунил байран. Махъсса шиннардий диндалул чул бувгьуми му байрандалийн къарши буклай бухьурчагу, ттигъаннунин райондалул бакIчину зий ивкIсса Юсуп МахIаммадовлул сипталийну Интнилхьхьу буттахъал аьдатрай хьунадакьайва. Нажагь, райондалий оьзрусса иш хьурчая Интнил­хьхьунин хасъсса тяхъашивуртту къадурнура личIайсса. Читать далее