Все записи автора ilchi

Жижара

Мусал душ Багъирова Рукьижат

Вай гьантрай оьрмулул 95 шинаву жуятува личIи хьунни уздансса, жяматраву бусрав­сса лакку инсан, Гьухъалияту­сса Багъирова Рукьижат Мусал душ.

Бувну бур Рукьижат 1924 шинал февраль зурул 16-нний Мащилиев Мусал кулпатраву. Школа къуртал бувну бур Гъумук. Рукьижат бивкIун бур ххуйну дук­лакисса, гьарзатраву итххявхсса, бюхъу-хъит бусса душ.

Дяъвилул шиннардий 14 шинавусса Рукьижат окопру дуклан лавгун бур. ЗахIматрал фронтрая бувкIун махъ, учительтал биялну бакъа, бувцуну бур школалий дарсру дихьлан. Дяъвилия махъсса шиннардий зий бивкIун бур Лакрал райком КПСС-рал хъаннил отделданул хъунмурну. Микку зий бунува, къуртал бувну бур цал областрал партиялул школа, мунияр махъ Москавлив — партиялул лаваймур школа. Шикку дуклаки­сса чIумал ва ххюва оьрчIал нину бивкIун бур.
Рукьижат зий бивкIун бур Лак­рал райондалул кказитрал корреспондентнугу, жаваблувсса секретарьнугу. Мунияр махъ бивтун бур райкомрал кIилчинмур секретарьну. Чув зий бухьурчагу, цила даву ларайсса даражалий дайсса пишакар бивкIун бур.

Рукьижатлул захIматран хIу­куматралгу лайкьсса кьимат бивщуну бур, ванин дуллуну дур чIярусса хIурматрал грамотар­тту ва бахшишру. Ванищал архIал дуклай, зий бивкIми, ца зумату кунма, ванил инсаншиврия буслан бикIай.
Рукьижат аьпалул шаврил кьурчIишивугу кIидачIлай, жижара буллай буру ванил оьрчIахь, оьрчIал оьрчIахь, цинявппагу гъан-маччанахь. Имандалий лавгун лякъиннав, рухI алжаннул ххари даннав.

Гьухъаллал
ва Гъумучиял жямат


Хъуннасса кьурчIишивугу кIидачIлай, жижара буллай буру жула хъинсса дус ва даврил уртакь, хIурмат бусса Шуаьнат Ильясовахь ва ванил уссурссуннахь вайннал аьзизсса нину

Рукьижат Багъирова

аьпалул шаврийн бувну.
РухI хъинний дишиннав, алжаннул ххари баннав.
Махъсса цинявннал оьрмурдай барачат бишиннав.
Мариян Ильясовал цIанийсса чирилул фонд «Дараччи»

Состоялась встреча с главой Республики Дагестан Владимиром Васильевым

Как сообщила пресс-служба президента РФ Владимира Путина у главы государства состоялась рабочая  встреча с главой Республики Дагестан Владимиром Васильевым. Читать далее

«Жул даву цукун-дунугу дувайсса дакъассар»

Асият Дукиева (дянив) даврил уртакьтуращал

Хъинма итан тахгу бакъасса, оьма утан кIаланггу дакъасса ва уттисса заманнай духтуртурал даврия рязий бакъасса, аьйрду дуллалисса ихтилатру кказитирттай,  Читать далее