Луглай бия гьунардах

Уттигъанну Вихьуллал Культуралул къатрал сахIналий хьунни шяраваллил школалул оьрчIал дянивсса «Жу луглай буру гьунардах» тIисса конкурс. Мунил сакиншинначиталну бия культуралул зузалт. Ва конкурс цурдагу дия хIасул дурну кружокирттайн заназисса оьрчIал дянив. Дия ххюра номинация: музыкалул инструментирттай руцаву, балай учаву, къавтIун бизаву, хъярчийсса интермедия ва шеъри буккаву.


[dropcap]О[/dropcap]ьрчIал номердан кьимат бишлай бия культуралул къатрал директор Рукьижат ХIасанхIусайнова, искусствалул школалул зузала Гулизар Абачараева, школалул директорнал хъиривчу Жинасат МахIаммадова. Гьуртту хъанахъиминнахун макьанну руцлай ия искусствалул школалул директор МухIсин ХIажиев. Мероприятие нани дурну бия культуралул къатлул худрук Камилат Оьмариева.

Жюрилул, конкурсрай гьур­тту хъанахъисса оьрчIру ва душру цалчин сахIналийн буккавугу хIисавравун лавсун, хIукму бувуна, кIанттурдугу къабавчIунма, барчаллагьгу куну, бахшишран школалул аьркинлугъ дулун. Культуралул зузалтралгу сивсуну къуццу тIутIими хIисавравун лавсуна, мукьахунмай вай янила багьан къабитаншиврул.


[dropcap]В[/dropcap]ара цIанилусса конкурс хьунни ЧIяйннал шяраваллил Культуралул къатравугу. Конкурсрай гьуртту хьунни ЧIяйннал школалул дуклаки оьрчIру ва оьрчIал багърал мюрщулт. ХьхьичIунсса гьурттушинна дуруна музыкалул инструментирттай руцаврил конкурсрай Камил ХIамзаевлул, МухIсин Кьурбановлул. Декламацияртту дурккуна Аминат СутIаевал. «Катюша» тIисса балай увкуна Аьбдул ХIусайновлул. Хьуна цаймигу конкурсру. Тамашалийн бувкIми циняв рязину ливчIуна.