МахIачкъалалив, М. Горькийл цIанийсса Оьруснал театрданул сахIналий, хьунни Халкьуннал цашиврул кьинилун хас дурсса концерт. Му сакин дурну дия МахIачкъала шагьрулул Администрациялул ва Культуралул управлениялул. ЦIанасса къулай дакъасса эпидемиологиялул тагьаргу хIисавравун ларсун, концерт хьунни тамашачитал бакъа, онлайн-режимрай.
Оьруснал театрданул сахIналийн ва кьини бувккуна республикалий ва мунил кьатIув цIа ларгсса балайчитал, къавтIалт, МахIачкъала шагьрулул ОьрчIал филармониялул солистътал, шагьрулул оьрчIал искусствалул школардал тарбиячитал.
— Цуксса кьурчIинугу, коронавирус яла къадагьлагьир. Мунийн бувну жунма чIяву инсантал бавтIсса иширттая махъаллил хьун багьлай бур, амма мунил къатIиссар республикалул агьали байраннацIа хьун аьркиншиврия. Жул цинярдагу концертру онлайн-журалий наниссар ва ми ккаккан бюхъайссар интернетраву ва телевидениялий, – тIий ур шагьрулул Культуралул управлениялул начальник Фарид Абалаев.
Бадрижамал Аьлиева
