Мюрщи оьрчIру апатIирттая мюхчан баву мурадрай

ЦIуссалакрал шяравусса «Буратино» садикрай райондалул ОМВД-лул инспектор, полициялул хъунама лейтенант Жавраил ХIусайнов хьунаавкьунни хъуними ва хIадур бай группардал оьрчIащал.


Инспекторнал бунни оьр­чIащал ххуллул низамрая ва лишанная, бахьттагьалтраясса ва шупIиртураясса тIалавшиннардая бусласисса ихтилат, дунни вайннал кIулшивуртту ххал дуллали­сса викторинарду.

Мюрщи оьрчIру апатIирттая мюхчан баву мурадрай садикрай мудан дуллай бур оьрчIан ххуллул низам лахьхьин дуллалисса давуртту.
Хъуними ва хIадур бай группардал тарбиячитурал лахьхьин буллай бур оьрчIан ххуллий мюхчанну бикIан, буслай бур гьарица ххуллул лишандалул ци тIутIиссарив, ци тагьарданий цукун занакьулу бикIан аьркин­ссарив.