«На дакьаврихлура»

Даниэль Гьарунов

Вай гьантрай «На дакьаврихлура» тIисса цIанилу республикалул циняв шагьрурдай ва районнай нанисса, террорданийн къаршисса акциялул лагрулий Новостройрайгу хьунни Дагъус­ттаннал паччахIлугърал филармониялул концерт. Концерт ххал дан бувкIун бия райондалул администрациялул вакилтал, идарарттал хъуними, ОМВД-лул зузалт, учительтал. Мероприятие дачин дурну ия Марат Тимохин.


Сайки гьарица кьини жунма баллай бур террорданул буллалисса балардая. Террордания­сса нигьачIаву чан хъанай дакъар. «На дакьаврихлура» тIий буру жува цинявннан баянну, бюх­ттулну. Жула республикалул искусствалул ишккаккултгу мукунма тIий, хъунмасса хIарачат буллай бур цала пишалийхчIин инсантурал дакIру аьчух дуккан дан.

Новостройрайсса концертрай гьуртту хьунни Дагъусттаннал халкьуннал артистал: Рукьият ХIамзатова, Умалав Кебедов, Даниэль Гьарунов, мукунна филармониялул вокалданул ансамбль. Артистал бусраврай кьамул бунни залданувуминнал.

ЦIуссалакрал райондалул хъуниминнал ва Культуралул управлениялул каялувчитурал барчаллагь увкунни Дагъус­ттаннал Культуралул министерствалухь ва Филармониялул зузалтрахь ххаллилсса мероприятиялухлу.

Андриана Абдуллаева

Андриана Абдуллаева

Читайте также: