Ноябрь зурул 2-нний, Халкьуннал цашиврул кьинилуцIун бавхIуну, щалагу Аьрасатнаву хьунни «Жува цачIу буссару» («Мы вместе») тIисса цIанилусса мукьилчинсса тIиртIусса дарс.
Билаятрал личIи-личIисса регионнаясса дуклаки оьрчIавух му дарсирай гьуртту хьунни ЦIуссалакрал райондалул школарттал оьрчIругу. Вайннал бувсунни буттал улклуя, миллатрал культуралия ва аьдатирттая, «Жува цачIу буссару» тIисса проектравусса цала гьурттушиндарая.
Шиккура кIицI дунни хьхьичIмур, шамилчинмур, дарсирал чIумал баян бувну бивкIсса «Спорт – му оьрмур» тIисса сценарийрдал конкурсрай ххув хьуминнал цIардугу. Миннавух ур Дагъусттаннаясса ХIамзат Бакиловгу.
Уттимур дарсирайгу баян бунни цIусса конкурс. Муниву гьуртту хьуншиврул ноябрь зурул 19-ннийнин соцсетирдай оьрчIал бусан аьркинну бур цайми шагьрурдаясса оьрчIащалсса цала дусшиврия.
