Артур Исрапилов ивтунни цIусса къуллугърай

Артур Исрапилов

2020 шинал сентябрьданул 28-нний бувксса ДР-лул БакIчинал ХIукмулийну Анвардул арс Исрапилов Артур ивтунни Дагъусттан Республикалул БакIчинал ва ХIукуматрал Администрациялул каялувчинал 1-ма хъиривчуну.

Анвардул арс Исрапилов Артур увну ур 1960 шинал ЦIуссалакрал райондалий Чапаевкаллал шяраву. 1983 шинал Дагъус­ттаннал паччахIлугърал педагогикалул институт бувккуну махъ зий ивкIун ур Чапаевкаллал шяраву учительну.

1984 шинал увчIуну ур ЦIуссалакрал ВЛКСМ-рал райкомрал комитетрал секретарьну. 1987 шинал, армия лавхъун махъ, зий ивкIун ур ЦIуссалакрал КПСС-рал РК-лул инструкторну, яла орготделданул хъунаману, яла – кIилчинма секретарьну. 1991 шинал увчIуну ивкIссар ЦIуссалакрал райондалул Халкьуннал советрал председательнал хъиривчуну, 1993 шинал – мура райондалул администрациялул бакIчинал 1-ма хъиривчуну.

1999 шиная 2003 шинайннин зий ивкIссар МахIачкъалаллал Кировский райондалул администрациялул бакIчину. 2003 шиная 2007 шинайн ияннин зий ивкIссар ДР-лул Халкьуннал Мажлисрал Председательнал хъиривчуну. 2007 шиная шинай – ДР-лул ПрезидентначIасса – Территориярттал лябуккулул ва кIанттул цилакаялувшиврул управлениялул хъунаману.
2013 шинал ноябрьданий ивтссар ДР-лул Президентнал ва ХIукуматрал Администрациялул Каялувчинал хъиривчуну.
2015 шинал ивтссар ДР-лул БакIчинал ва ХIукуматрал Администрациялул ПаччахIлугърал къуллугърал кадрардал ва паччахIлугърал наградарттал управлениялул хъунаману.
Артур Исрапиловлул хIалал дурссар Чувшиврул ва Дусшиврул орденну.