Украиннал национал банкрал сентябрь зурул ахирданий итадаркьунни АхIмад-Хан Султаннул ттуршра шинал юбилейран хас дурсса къуруш-монета. Банкрал сайтрай дур ванил суратругу: ца чулий АхIмад-Хан Султан ур, гамур чулий — аьрали самолёт. Миккува бувсун бур АхIмад-Хан Султан КIилчинмур дунияллул дяъвилул ппурттуву ца яла машгьурма аьрали лётчик-ас ивкIшиву, му 603-мийла гьаваллавун гьаз хьушиву ва 1946 шиная шийнай лётчик- испытательну зий сайки 100-нния лирчусса самолетру ххал диргьушиву. Шиккува бусанну Къиримнаву, Симферополлай, Виричу увсса кьини, октябрьданул 25-нний АхIмад-Хан Султаннун цIусса гьайкал дацIан дуллалишивугу.
Октябрь зурул 17-нний Ккуллал райондалий, ЦIувкIравгу, Ваччавгу, шадлугърал митингру.
Октябрь зурул 20-нний ЦIуссалакрал райондалийсса ЦIуссаккуллал 2-мур школалий Виричунан бюст тIитIлатIисса шадлугъ.
Вара кьини В. Макаровал цIанийсса Аьрали савлугърал музейраву выставкагу, Чувшиврул дарсгу.
Октябрь зурул 25-нний «Россия – моя история» тIисса музейраву выставка.
Вара кьини волонтёртурал ва активистътурал, патриот ккураннал вакилтурал тIутIив дишинтIиссар Лениннул комсомолданул цIанийсса паркравусса «Славалул Аллеялий».
ТIутIив дишинтIиссар МахIачкъалаливсса Виричунал гьайкалданийгу.
Октябрь зурул 26-нний «Дагестан» РГВК-лул ккаккан бувантIиссар МахIачкъалаллал 1-мур гимназиялул дуклаки оьрчIал Лакрал театрданущал уртакьну хIадур бувсса спектакль, вайва гьантрай дагъусттаннал телеканаллайгу ккаккан дувантIиссар Виричунал оьрмулиясса документал фильмру.
П. Рамазанова
