Культура – террорданийн къаршину

[dropcap]О[/dropcap]ктябрьданул 19-нния 23-ннийн бияннин МахIачкъала шагьрулул администрациялул Культуралул управлениялул Аслийсса культуралул центрдал филиаллай хьунтIиссар «Культура террорданийн къаршину» тIисса фестивальданун хас дурсса шадлугъру. Ми хьунтIиссар «Сто лиц столицы» тIисса цIанилусса халкьуннал творчествалул ва аслийсса культуралул фестивальданул лагрулий.


Бадрижамал Аьлиева
Коронавирусрал инфекция­луцIун дархIусса цIанасса къулай дакъасса тагьаргу хIисавравун ларсун, фестиваль хьунтIиссар дистанцион журалий.
Гьашину халкьуннал байрандалий гьуртту хьунтIиссар личIи-личIисса жанрардал группарду. Жагьилтурал личIи-личIисса мазурдий щаллу бувантIиссар халкьуннал ва уттизаманнул балайрду.
Фестивальданул шадлугъру ккаккан бюхъантIиссар Ютубрайсса ЦТКНР-лул каналданий.