Ятту – кIинтнил минардайн

Ккуллал райондалул ризкьилул тIювардай най дур ятту кIинтнил минардайн куч бансса хIадуршинна. Уттинин дурну дур хъуннасса купка. Ккуллал племхозрал хъунама Чупалав Кьурбановлул бувсунни ятту кIинтнил минардайн куч баннин дан ккаккан дурсса цинярда давуртту цила чIумал ва тIайлабацIуну дурну душиву.


Бувсунни зунттал ардай канакисса ятту бучну бушиву. Бувну бур вакцина.
ЦIанасса чIумал купка дуллай бур 27 азарва яттил. Миннува 14 азарва бусса бур племхозрал.
Ятту куч буллай байбишинтIий бусса бур ва зурул 15-нний, дяркъу хьуннин минардайн бияншиврул.
Купка дуллай бур шяраваллая арх бакъа хасну ккаккан бувсса кIанттурдай, 5 % креолин щинавух бявххуну, ятту заралсса ущу-щулгъилия буруччинсса мурадрай.
— Ккуллал племхозрал кьуя хьхьичIунсса ризкьичи ва вайннал кумагчитал зий буссар хIакьину шяраваллил ва ризкьичитурал маэшат лябуккан баврил цIаний,- ххи бунни Чупалав Кьурбановлул.

ХIадур бувссар
Зулайхат Тахакьаевал

Читайте также: