Мушакъатминнансса къулайшиннарду

[dropcap]Л[/dropcap]аргсса тталаткьини Дагъусттаннал ХIукуматрал хъунаманал цалчинма хъиривчу Анатолий Карибовлул каялувшиврийну хьунни мушакъатминнан къулайсса «Доступная среда» программа бартдигьаврин хас дурсса совещание.


П. Рамазанова
Дагъусттаннай ва программалуву гьурттуну бусса бур 11 муниципалитет. Дурцири давурттая балжийну бувсунни министерствардал вакилтурал. ЗахIматрал министерствалул хIадур буллай бусса бур чIу къабаяйминнан бувчIин буллансса сурдопереводчиктал, Информатизациялул, связьрал ва ма­ссовый коммуникациярдал министерство тIурча, телепередачарттал субтитрду дуллалисса давриха зий бусса бур.

[dropcap]М[/dropcap]укунма вокзаллай, школарттай, аптекарттай, ттучаннай ва цаймигу учреждениярттай коляскарттай­сса инвалидтураща рахIатну ххуллу битан шайсса къулайшиннарду дузал давриягу бия ихтилат. Цалчинма вице-премьернал бувсмунийн бувну, ва программалун гьашину арцу гьарза дурну дур, аьмну 168 социал объект пандусиртталгу, аьркинмунилгу дузал бувавриха зий бусса бур.