[dropcap]О[/dropcap]ктябрь зурул 22-нний Аьрасатнал премьер-министр Михаил Мишустиннул паччахIлугърал наградар­тту дуллунни коронавирусращал­сса талатавриву биялсса захIмат бивхьусса медициналул зузалт­ран. Пироговлул орден дуллунни Щаржавуллал (Гергебиллал) райондалул азарханалул хIакин-анестезиолог-реаниматолог Аьйшат Идрисовангу.

---

Наградартту дуллай, премьер-министрнал кIицI лавгунни медициналул зузалтрал савлугъран Аьрасатнал Президентнал хIукмулийну ккаккан дуршиву цIусса паччахIлугърал наградартту — Пироговлул орден ва Лука Крымскийл медаль ва ми лайкь дурми агьалинал оьр­мурду цIуцIаврил ххяппур­ттаща ххассал бувми хъана­хъишиву.