АхIмад-хан Султаннул цIанийсса МахIачкъалаллал аэропорт баян буллай бур, вай гьантрай соцсетирдай итталун багьсса, самолет пIякь увкунни тIисса информация тIайла бакъасса бушиву, МахIачкъалаливсса цинярдагу самолетру сагъ-саламатну душиву ва агьали ххилаххисса рейсирдан цукунчIавсса апатI къавхьушиву, инсантуран бавсса, гьаваллаву пIякь увкусса чIугу лерххун нанисса аьрали самолетрал бивкIшиву.
Имара Саидова
Аьрасатнал Обороналул министерствалул пресс-службалул бусаврийн бувну, цIанасса чIумал Дагъусттаннай най дусса дур хIасиллу ххал дигьлагьисса аьрали ученияртту.
— Каспий хьхьирий най дуссар 2020 шиналсса мукунсса ученияртту.
Миннуву гьуртту хъанай буссар 6 жами, 7 самолет ва 400-ннийн бивсса аьралитал. Каспий хьхьирий Кьилвалул авиациялул аьрали округрал группардал аьрали ракетарттал экипажру ва мюрщи ракетарттал жамирду буссар хьхьирийх ва гьаваллавух артиллериярдал ва ракетарттал битаврил магьиршиву ккаккан дуллалисса ученияртту дуллай, — тIий, бувчIин буллай бур пресс-служба.
Вай учениярттая инсантуран цукунчIавсса нигьачIаву дакъассар, тIий, баян буллай бур Обороналул пресс-служба.
