Дагъусттаннай хьунни Оператив штабрал батIаву

Августрал 25-нний ДР-лул БакIчи Владимир Васильевлул каялувшиврий ВКС-рал низамрай хьунни республикалийн коронавирусрал инфекция ппив хьун къадитаврил Оператив штабрал батIаву.


Муний ДР-лул Роспотребнадзорданул Управлениялул каялувчи Николай Павловлул бувсунни Дагъусттаннайсса санитар эпидемиологиялул тагьардания.
Мунал тIимунийну, августрал 25-нний республикалий сияхIрайн лавсун ур 10586 коронавирусрал къашавайсса инсан. Махъсса гьантлий ххи хьуну ур 65. Ца нюжмардий сияхIрайн лавсун ур 430 къашавай хьусса.

Ва нюжмардий 17 райондалий къашайшалт гьарза хьуну бур, мунил савав хъанай дур инсантал цайми кIанттурдайн заназаву, цачIун батIайсса мероприятияртту дуллалаву, маскарду дакъа заназаву .

Николай Павловлул бусаврийну, профилактикалул лагрулий аьркинни чIявусса халкь батIайсса мероприятияртту къадуллан.
Владимир Васильевлул тапшур бунни хъирив лавну кIул буван,циван цаппара кIанттурдай къашайшалт гьарза хъанай бу­ссарив, цайми кIанттурдай бусса куццуй личIлай бусса чIумал. Мунил савав кIул хьурча, бигьа хьунтIиссар азарданул хьхьичIалу кьукьинсса давур­тту дуллан.

Читайте также: