Мушакъатминнан къатри ласун кумагран

Августрал 24-нний ЗахIматрал ва социал лябуккулул министерствалий 1-мур группа бусса мушакъатсса инсан ягу оьрчI яхъанахъисса кулпатирттан къатри ласунсса сертификатирттал хIакъиравусса батIаву хьунни.

З. АьбдурахIманова
Изумруд МухIуттиновал каялувшиврулусса ва батIаврий гьуртту хьунни ДР-лул Строительствалул министерствалул пишакарталгу, чирилул фондирттал, строительствалул компаниярттал вакилталгу, риэлтортал ва къатри ласунсса субсидияртту булун ккаккан бувсса кулпатирттавасса вакилталгу.

Шиккува кIицI лаган, ДР-лул ХIукуматрал хIукмулийн бувну цIуллу-сагъшиврул ссуссукьу­сса инсантуран субсидияртту булаврил низамрал ялув бавцIуну буссар. Ва социал проект щурущи дан бювхъуссар жулла республикалий 2018 шинал бюджетравун ххуйсса налогру дучIан дан бювхъуну тIий. Мушакъатминнал къатта-къуш ласун ягу яхъа­нахъисса къатри дакьин даншиврул республикалул бюджетрава итабавкьуссар 300 миллион арцул.

ЗахIматрал ва социал лябу­ккулул министерствалий субсидияртту цукун ласун аьркинссарив бусласисса консультацияртту дуллай, мушакъатми яхъана­хъисса кулпатирттащал дахIаву дуну буссар. ХIакьинусса кьини субсидияртту ласунсса сертификатру ларсъссар 260 кулпатрал. МФЦ-лий бусса бур 21 инсанная кьамул бувсса аьрзри ва цалла дакI дакьайсса къатта ххал буллай усса ур 48 инсан.

Читайте также: