Ялун нанисса ник террордания дуруччаву мурадрай

ЦIуссалакрал райондалий­сса ЦIуссачIурттащиял шяраву хьунни «Наше поколение против террора» тIисса цIанилусса «ккуркки стол».


Имара Саидова
Экстремизмалия ва терроризмалия агьали мюхчан баву мурадрайсса мероприятиялул сиптачину хьунни ЦIуссалакрал райондалул Культуралул, жагьилтурал политикалул, спортрал ва туризмалул управление. ЦIуссачIурттащиял Культуралул къатлул директор ХIалимат Гъаирбековал «ккуркки столданул»даврил гьурттучитуращал ххал диргьунни 2019-2020 шиннардийнин терроризмалул идеологиялийн къаршину Аьрасатнал Федерациялий сакин дур­сса даврил план.

БатIаврий гьуртту хьунни ЦIуссачIурттащиял шяраваллил бакIчи Рамазан Набиев, шяраваллил мизитрал имам А. СултIанов, Культуралул управлениялул хъунаманал хъиривчу Заур МахIаммадов, ЦIуссачIурттащиял «Радуга» оьрчIал багърал хъунмур С. ХIажиева, школалул директор ПатIимат Абумуслимова ва цаймигу шяраваллил идарарттал зузалт.
БатIаврий мукунма ххал бивгьунни кIулшивуртту дулаврил идарарттай ялун нани­сса ник террордания ва экст­ремизмалия буруччаву мурадрай дуллантIисса мероприятиярдал план. Мукунма хIисавравун лавсунни билаятрай эпедимиялуцIун дархIусса тагьар хIасул шаврийн бувну, хъунмурчIин мероприятиярду онлайн-режимрай дуллалаву.

Читайте также: