[dropcap]D[/dropcap]агъусттаннал ХIукуматрал члентуран дуллунни республикалул паччахIлугърал наградартту. Миннул хIакъиравусса хIукмурдай къулбасру дурунни ДР-лул БакIчи Владимир Васильевлул.
«Дагъусттан Республикалул хьхьичI лайкь шаврихлу» тIисса орден дуллунни ДР-лул Счетная палаталул председатель Билал ЖахIпаровлун ва ДР-лул транспортрал министр Ширухан ХIажимурадовлун.
Республикалий социал-экономикалуву лябукку баврихлусса медаллу дуллунни 1-ми вице-премьертуран – ХIажимахIаммад ХIусайновлун, Анатолий Карибовлун ва вице-премьер Рамазан ЖахIпаровлун ва мукунна Минздраврал, Минтуризмалул ва Мининформатизациялул каялувчитуран – Жамалуттин ХIажиибрагьимовлун, Расул Ибрагьимовлун ва Сергей Снегиревлун.
«За доблестный труд» тIисса наградарттан лайкь хьунни МЧС-рал бакIчи Нариман КазимахIаммадов, Минприродалул бакIчи Набиюлла Къарачаев ва Минспортрал бакIчи МахIаммад МахIаммадов.
ХIурматрал грамотартту дуллунни Минкультуралул каялувчи Зарема Буттаеван, Минимуществалул бакIчи АгъарахIим КьагьирхIажиевлун ва Минюстрал хъунама КазимахIаммад Сефиркьурбановлун.
ДР-лул БакIчинал чулухасса барчаллагьрал чагъарду буллунни Минобрнаукалул хъунмур Уммупазил Оьмарован, Минстройрал бакIчи Малик Баглиевлун, Минтрудрал каялувчи Изумрад МухIуттинован ва Минмолодежрал хъунама Камил Сяидовлун.
