Август зурул 1-нний Дагъусттаннай дистанцион режимрай байбивхьуну буссия Worldskills Rossia «Жагьилсса пишкартал» тIисса Миллатирттал VIII-мур чемпионатрал финалданий гьуртту хьунтIисса жагьилсса пишакартал язи бугьлагьисса бяст-ччаллу.
Имара Саидова
Микку пишардал усттаршиву ккаккан дурну, чемпионатрал финалданийн бувккунни Хасавюртуллал «Аграр-экономикалул колледжрал» студентътал. Дункаев Тамерланнул ва Вагаева Зугьрал, «Ишбажаранчишиврул» магьиршиву ккаккан дурну, цалчинсса кIану бувгьунни. «Физическая культура и спорт» тIимур номинациялий цалчинсса кIану бувгьуну, финалданийн увккунни Хасавюртуллал педагогикалул колледжрал студент МахIаммадов Адам.
Ххув хьуми гьуртту хьунтIиссар сентябрь зурул 6-нния 21-ннийн дистанцион режимрай хьунтIисса финалданий.
