Августрал 8-нний МахIачкъалалив цаппара министерстварттал дянив хьусса батIаврий ххал бивгьунни зузи кIанттурду дузал баврил ва бизнесрал аралуву сияхIрай бакъа зузими чан баврил масъалартту.
Муний гьуртту хьунни ДР-лул Минэкономразвитиялул бакIчи ХIажи Султанов, ДР-лул информатизациялул, связьрал ва агьалинансса коммуникациярттал министр Сергей Снегирев, ДР-лул промышленностьрал ва машлул министр Батир Эмеев, МахIачкъалаллал бакIчи Салман Дадаев ва ишбажаранчитал.
Цалва ихтилатраву ХIажи Султановлул бувсунни дукIу даву дакъашиврул даража бивкIшиву лапва лагьсса – 1,5%, яла ковид-19 азарданул пандемия сававну, давуртту дакъа ливчIун бивкIшиву чIявусса халкь. Мунийн бувну, увкунни министрнал, зузи кIанттурду дузал баврил планну дархIуну дикIан аьркинссар ДР-лул БакIчи Владимир Васильевлул тапшурлугъирттацIун.
