[dropcap]Ч[/dropcap]Iяйннал Культуралул къатлуву хьунни ДР-лул Конституциялул кьинилун хас дурсса тяхъашиву. Ва байран дачин дурну бия Культуралул къатлул хъунмур Алхасова СалихIат.

Ванил бувсуна байрандалул чIиви-хъунсса тарихрая, яла халкьуннал аьдатру ккаккан дуруна оьрчI-душваврал. Ми аьдатирттавух дия: «ЧIиви оьрчI гьуркку уллай, санна даву», «Янна дуруххаву», «Урша бищаву», «Ппал дюххаву», «Зукка ритаву», «НувцIи бищаву», «Хъувухъу баву», «Усру дакьин даву». Балайрду увкуна: Алхасова СалихIатлул, Маммадиева ПатIиматлул, Айдаева ПатIиматлул, МахIмудова Марияннул, Айдаева Марияннул. КъавтIавуртту ккаккан дуруна «ЧIяйри душ» тIисса оьрчIал ансамбльданул. ХIасил, дакIний личIансса хьуна Конституциялул кьинилун хас дурсса тяхъашиву.