ДР-лул Статистикалул управлениялул ккаккиярттайну, ларгсса нюжмардий дукиялул сурсатирттава ххира хьуну дур ахъулсса ва ахънилсса.

Масалдаран, нисварти ххира хьуну бур 10,1%, къур – 8,9%, калан – 4,6%, гьивч – 0,8%, хъюрт – 1%. Мура чIумал помидор кьюркьуну дур 25,6%, нувщи – 6,2%, чимус – 3%.

---

ЛирчIми сурсатирттава 1- 2,4% ххира хьуну дур: дукралийн бичай цIу, маргарин, хIуру нис, оьрчIансса ахънил­ссаннул консервартту, 0,3-0,7% ххира хьуну дур яттил дикI, гъаттарал дикI, колбасартту, лачIал иникIма, ккунукру, ппиринж. Мура чIумал 0,2-0,5% кьюркьуну дур нис, лухIи чяй, макIарунну, оьрчIансса ахъул­ссаннул консервартту.

Дукиялул дакъами сурсатирттава 1,2-1,4% ххира хьуну бур ссахIван, оьрчIансса гьухъри. Амма кьюркьуну дур 0,5-1% арамтурал жуларду, оьрчI-бакIуннал гольфи, хъаннил колготки, ккарччив шюшай щетка ва паста.