Гьашину республикалий ахъулсса ххира хьуну дур. ДР-лул Шяраваллил хозяйствалул министерствалул ккаккиярттай бувну, ахъулсса ва ахънилсса ххира хьуну дур 10 процентрал – ттучаннайгу, базардавугу. Министерствалул зузалтрал тIимунийну, ми ххира хьуну дур гьашину марххалтту, гъараллу чанну дунутIий.
Августрай яла чIявуну машан ласайми бакIлахъия дикIай къалпузру, къавунну, цIулит. ЦIанасса ппурттуву супермаркетирттаву къалпуз бур 1 кило 25 къурушран, къавун – 37 къурушран ва цIулит – 109 къурушран.
Базардаву багьри ттучаннавунияргу лахъсса бур. Масалдаран, цIулитрал кило дур 130-150 къурушран. Мяйжанссар, цаппара кучардаву бахлахисса къалпузру ва къавунну чан-кьанну кьювкьуну бур. Къалпуз – 23-24 къурушран, къавун – 30-32, цIулит – 100 къурушран.
Къалпузирттал ва къавуннал багьри лахъ шаву гъараллацIун бахIаву щала тIайласса зат бакъар, цанчирча ми бугьайссар щин дишайсса кьасса кIанттурдай. Циванни ми гъараллу лачIаврийн ягу къалачIаврийн хъар хьун аьркинсса.
