Школартту цIусса компьютердал дузал буллантIиссар

ДР-лул КIулшиву дулаврил ва элмулул министерствалул чIал къархьуну щурущи дантIиссар «Цифровая образовательная среда» тIисса федерал проект. Ванил кумаграйну республикалул педагогтуран ва дуклаки оьрчIан дулунтIиссар цифровой аралуву аьркин шайсса кIулшивуртту ва уттизаманнул компютердай зун лахьхьин буллантIиссар.


З.АьбдурахIманова
Гьашину проектравун лавсун бур 102 школа. Вай школартту материал- техникалул чулуха дузал баншиврул машан лавсун бур чIявусса функцияртту бусса принтерду, сканерду, ноутбукру ва цаймигу кьай. Проектрал лагрулий школартту дузал бантIиссар анаварсса интернетралгу. Хъуннасса къулагъас дувантIиссар педагогтуран ноутбукру ва компьютерду дарсирдай ишла бан лахьхьин баврих. Мукунма ла­хьхьин бантIиссар компьютерданий электрон журалул журналлу ва цайми аьркинсса чагъарду буцIин буллангу. Лахьхьин бантIиссар гьарца дуклаки оьрчIащал цанналусса дахIаву дурну, анаварну ганан дарс дурчIин дансса куцгу.

Дуклаки оьрчIан тIурча лахьхьин бантIиссар онлайн-режимрай библиотекалуву аьркинсса лу лякъин ягу цащала дуклакисса оьрчIащал цачIу личIи-личIисса проектру хIадур дуллан, олимпиадарттайн ва цаймигу акциярдавух гьурттушинна дуллан.
Проектрансса арцу итада­кьин­­тIиссар федерал бюджетрава дакъасса, республикалул бюджет­равагу.

Читайте также: