Билаятрал кIулшивуртту дулаврил идарарттай ялун ххи дурсса чIунгу хIисав дурну, ЕГЭ дуллуну щаллу хьун ккаккан бувну буссар августрал 8-ннин. Жулла республикалий ЕГЭ дулун ялун ххи бувсса гьантрай экзаменну дулунтIиссар 70 дуклаки оьрчIал. Экзаменну цинявннал дулунтIиссар ца кIанай – хъуншагьрулийсса 622-мур ППЭ-рай.

З.АьбдурахIманова
[dropcap]М[/dropcap]асалдаран, августрал 3-нний дуллуссар биологиялул, литературалул, информатикалул ва чил мазурдил экзаменну. Августрал 5-нний дуллуссар оьрус мазрал ЕГЭ. Августрал 7-нний дулунтIиссар математикалул, химиялул, физикалул, обществознаниялул ва чил мазурдил экзаменну. ХIасил, ЕГЭ-рдал компания гьашину жулла республикалий ларгун дур низамрай ва ххуйсса даражалий. Масалдаран, гьашину школа къуртал бувсса 49 дуклаки оьрчIал экзаменну дуллуну дур 100 баллданун ва вайннал ялун ххи хьуну ур ларгмур шинал школа къуртал бувсса 5 «стобальникгу».