«Ххувшаврил диктант»

Сентябрьданул 3-нний «Аьрасат – ттул тарих» тIисса музейраву чичинтIиссар щалва Аьрасатнаву хьунтIисса акциялул лагрулийсса «Ххувшаврил диктант».

З.АьбдурахIманова
Диктант чичаврил мурадрая бусласисса ва ванил сакиншинна ххал дигьлагьисса батIаву хьунни МахIачкъалалив ва ларгсса нюжмаркьини. Коронавирусрал тагьаргу хIисавравун ларсун, шикку мукунма ххал бивгьунни диктантрал гьурттучитал щябитаврил, маскардаву буххан-буккан битаврил низамгу.

Сакиншинначитурал бусаврийну, диктант чичаврил мурадну хъанахъиссар жагьилмур никиран Хъун дяъвилул тарих хъамабитулул хьун къабитаву ва Ватандалух ччаву дуну тарбия баву.
Диктантрал гьурттучитал щябитан хьхьичI щалва залдануву дантIиссар дезинфекция ва дачIинтIиссар маскарду ва катIри.

Шиккува кIицI бан, «Ххувшаврил диктант» билаятрал регионнай цалчин чичлачисса дакъар. ХьхьичIми шиннардий кунна, акция дуллалиссар Аьра­сатнал тарихрал сакиншиндарал «Волонтеры Победы» су­ккушиндарал ва КIулшиву дулаврил министерствалул, «Единая Россия» партиялул чIарав бацIаврийну. Диктант чичавривух гьуртту хьун ччинал цалла цIа-бакI чичин аьркинссар диктантпобеды.рф тIисса проектрал сайтрайн ва шиккува гьурттучитуран булунтIиссар электрон журалул дипломру.

Сакиншинначитурал Аьрасатнал КIулшиву дулаврил министерствалущал икьрал дур­ссар диктантрал лахъсса баллу лавсъсса гьурттучитурал хIасиллу хIисавравун ласун гай вузирдавун бухлахийни.

Читайте также: