ЦачIунур захIматшивуртту духIан бюхъантIисса

[dropcap]А[/dropcap]вгустрал 6-нний жулла республикалий хьунни «Жува цачIу буссару» тIисса цIанилусса ихIсандалул проектрал ирглийсса акция. Ва хъанай дур кувннал кувннан кумаг баву,

хаснуварив оьрмулул 65 шиная тинмай ливчусса ва цIуллу-сагъшиврул ссуссукьусса инсантуран коронавирусрал пандемиялул чIумал кумаг баву мурадрай дуллалисса даву.


Бадрижамал Аьлиева
Акциялул лагрулий Аьрасатнал гьарцагу региондалий волонтертал зий буссар, агьалиначIан дуки-хIачIия, даруртту биян буллай, юристътал ва психологтал буссар украсса консультацияр­тту дуллай.

ДР-лул ЗахIматрал министерствалул ва «Живи и дари жизнь другим» тIисса цIанилусса ихIсандалул фондрал кабакьулийну ва кьини ахIвал-хIал кIюласса 800-нния ливчусса инсантал дуки-хIачIиялул щаллу буван бювхъунни. Гьарцагу муниципалитетрай ми дуки-хIачIия аьркинманачIан диян даврил ялув бавцIуну бикIантIиссар ДР-лул ЗахIматрал министерствалул социал зузалт.

Проектрал кIилчинмур ятIапIрал лагрулий пландалийн ларсун дур 13 азара инсан дуки-хIачIиялул щаллу аву. Миннавух бур Хъун дяъвилул ветеранталгу, дяъвилул чIумал къинттуллух зий бивкIмигу.
ХIакьинусса кьининин дукиялул сурсатру аьмну 4 азара инсанначIан диян дурну дур.