[dropcap]Л[/dropcap]аргсса арвахIкьини, июль зурул 22-нний, байбивхьунни бусурманнан ххирасса зул-хIижжа барз. Ва Аллагьу Тааьланал дяъви буван къадагъа дурсса мукьва зурувасса ца барзри.

---

Зул-хIижжа барз хъанахъи­ссар бусурманнал яла ххирами зурдардивасса барзну. Хъиннува ххирассар ва зурул хьхьичIсса 10 гьантта. Гьамин, ва зурул 10-мур кьини дикIайссар бусурманнал яла хъуннамур байран – Кьурбан- байран (Эд аль-АдхIа).

Зул-хIижжа зуруй бусурманнал байссар диндалул ца аслуну хъанахъисса хIаж. Му зурул 9-мур кьини Аьрафатрал кьини хъанахъиссар. Му кьини 1000-ва сура «ал-Ихляс» (Кьулгьу) бувккуну хъинссар. Идавсил хIадисраву бувсун бур, му кьини азарва Кьулгьу бувккуманал циняв бунагьру шюшайшиву. Цамур хIадисраву МухIаммад Идавс (с.аь.с) тIий ур: «Аллагьнан яла ххирами кьинирду Зул-хIижжа зурул хьхьичIсса ацIва гьанттар». Му зурул хьхьичIсса 9 кьини, хаснува Аьрапалул кьини ва хьхьичIкьини, зума дугьаву суннатссар, хIаж буллали­сса хIажитал личIаннин, миннал къадугьайссар.
Зул-хIижжа барз хьунабакьин аьркинссар дакIнийхтуну, циняв бунагьирттая тавбагу дурну, му гьарца бусурманчунал буржри. Тавбалуву буссар бусурманчунал дунияллийсса ва ахиратравусса талихI.
ХIадур бувссар
П. Рамазановал