АьФ-лул ПаччахIлугърал Думалул депутат Юрий Левицкийл халкь кьамул бунни манзилданул низамрай «Единая Россия» партиялул Председательнал инсантал кьамул байсса къатлуву.
ХI. Аьдилов
Ххунзахъиял райондалийсса Батлаичуллал шяраватусса АхIмад Гъазиевлул тавакъю бия шяравалу щинал дузал даврил хIакъиравусса. Республикалул парусрал спортрал тренер МахIаммад Оьмаров лаивзунни Дагъусттаннай му журалул спорт машгьур баврил, лябукку баврил хIакъираву.
Депутатнал ми кIивагу масъалалул хIакъираву чагъарду чивчунни ДР-лул ХIукуматрайн.
Ва ялагу цаймигу лабизавуртту дия МахIачкъалалив кучарду, хIаятру дакьин даврил хIакъиравусса. ЦIусса Тарки, Ленинкант шяраваллал кучардаву асфальт бишаврил ва кучардаву чирахъру лахъаврил, щин дуцаврил, канализация дакьин даврил хIакъираву депутатнайн лабивзунни Жабраил Алыпкачев, Абубакар ХIусманов, МахIаммад МахIаммадрасулов. Ми масъаларттал хIакъираву депутат лаивзунни МахIачкъалаллал администрациялийн.
