Гьашину январь-июль зурдардий шяраваллил хозяйствалул бакIлахъиялул лагру хьуну дур 40237,1 млн къуруш, дукIумур шинах бурувгун ххи хьуну дур 0,5%.
ДР-лул Шяраваллил хозяйствалул министерствалул ккаккиярттайну, гьашину августрал 9-ннийнин циняв журардал хозяйстварттаву ссуттил лачIа ттивхIунугу, гьавнугу бур 110,7 гектарданий, ми хъанай бур дукIу вара чIумуйнияр 1,1% ххишаласса. Гьавну бур 240,8 азарда тонна къалмул, дукIу вара чIумалнияр 8,8% ххишаласса. Нувщи бивххуну бур 103,7 азарда тонна, дукIунияр 5,4% ххину. ДартIун дур 479,3 азарда тонна ахънилссаннул, 82 азарда тонна ахъулссаннул.

ХIадур дурну дур 1036,2 азарда тонна ярмалул.
Ризкьи ябавриву гьашину 7 зурул мутталий дикI ларсун дур дукIунияр 0,5% ххину, накI — 0,6% ххину, ккунукру — 2% чанну.
Гьашину лухIи ризкьи дукIу вара чIумалнияр ххи хьуну бур 2,2 %, миннул аьдад гьашину дур 1024, 8 азарва бакI. Яттил аьдад дукIу вара чIумалнияр даххана хьуну дакъар (5121,3 азарва бакI). АьнакIив чан хьуну бур 8,1% (4796,8 азарва бакI).

ХI. Аьдилов