Жижара

ИцахIаммал арс ХIажиев МахIаммад

[dropcap]В[/dropcap]ай гьантрай дунияллия лавгунни ххаллилсса бархъарачу ИцахIаммал арс ХIажиев МахIаммад .
Увну ур МахIаммад 1960- ку шинал апрель зурул 12- нний Бархъаллал шяраву.
1984-ку шинал къуртал бувну бур Дагъусттаннал Балугърал техникум.

1984-1986 шиннардий зий ивкIун ур Къазахъисттаннай балугърал инспекторну. Мунияр махъ шяравун увкIун, цаппара шиннардий шяраваллил ттучандалий зий уссия. 2012-ку шиная айивхьуну, мяйра шинай МахIаммад шяраваллил советрал депутатну уссия.
МахIаммад ия инсаншиву дусса, дакI-аьмал хъинсса, гьарнал чIарав ацIан, ка-кумаг бан чялишсса адимина. Ва ххира­сса ия гъан-маччанан, чIахху- чIарахнан, бусравну ия шяраваллил жяматран. МахIаммад аьпалул шаврил кьурчIишиву кIидачIлай, жижара буллай буру щарссанихь Ххажихь, арснахь МахIаммадлухь, душваврахь Судахь ва Написатлухь, уссур-ссуннахь, махъсса гъан- маччанахь.
Имандалий лавгун лякъиннав, рухI алжаннул ххари даннав, махънал оьрмурдай барачат бишиннав.

Бархъаллал жямат


Айдамирдул арс Айдамиров МахIаммаднаби

[dropcap]О[/dropcap]ьрмулул 84 шинаву аьпалухьхьун лавгунни бусравсса чув-адамина, ас-намус ххисса инсан Айдамирдул арс Айдамиров МахIаммаднаби.
МахIаммаднаби увну ур 1936 шинал Лакрал райондалийсса ДучIиннал шяраву.

1944 шинал вайннал кулпат бивзун бур Чачаннал аьрщарайн.
ЦIуссалаккуй школа къуртал бувну махъ МахIаммаднаби увххун ур Дагъусттаннал университетрал физикалул факультетрайн.

Мугу къуртал бувну, 1961-1968 шиннардий зий ивкIун ур Хасавюртуллал педучилищалий, физикалул дарсру дихьлай. 1968 шинал зун ивкIун ур МахIачкъалалив Элмурдал академиялул филиалданий. Зийгу унува, къуртал бувну бур аспирантурагу, хьуну ур физико-математикалул элмурдал кандидат.
МахIаммаднаби хъинну машхул хьуну ивкIссар спортрахун, штанга гьаз даврил аралуву ванал бувгьуну бивкIссар хьхьичIунсса кIанттурду.
ТачIав къашавай хьуну шанийн къаагьссия кьянкьасса МахIаммаднаби. Амма лавгунни оьрмулувату хар-хавар бакъа, цакуну инфаркт хьуну.

Шинну чансса ларгун да­къахьурчагу, ва уссия ца 60 шин хьусса куна.
Хъуннасса пашманшивугу кIидачIлай, дакIнийхтунусса жижара буллай буру ванал кулпатрахь, оьрчIахь ва оьрчIал оьрчIахь. Алжаннул агьулданувух изаннав цув.

ДучIиннал жямат