Жулла республикалиясса МахIмудапанни Жамалуттиновлул уттигъанну «Русское лото» тIисса 134-чинсса тиражрай бувххуну бур 10 000 000 миллион арцул. КIира-шанна шин дурну дур ванал «Столото» тIисса сайтрайсса лотереялий уклай. ТIайлабацIу къахъанайнугу, ялагу ххув хьунхьуви тIисса умудращал уклайна ивкIун ур. Ца ххуллухгу 200 къуруш дурххуну, МахIмудапаннинал гайннух цинявннун билетру лавсун бивкIун бур. Цанма тIайлабацIу хьушивугу ванан цачIанна дуркIсса СМС-райхчин кIул хьуну бур.
З.АьбдурахIманова
«СМС дучIаврищал на анавархъиндарай «Спортлоторал» сайтрайн увхссияв. Гиккусса нуллу ххал хьувкун, вих акъа, чIаххучуначIан гьаз хьуну, ялагу интернетравух ххилтIу тIун ивкIссияв». Ганал: «Вияту миллионер хьуну урхха!»-куну, хъярч байхту, яла чара ция вих къавхьуну»,-тIий ур ва цахьхьунма буллусса суалданунсса жавабран.
МахIмудапаннинал бусса бур шанма оьрчI. Ва цала кулпатращал яхъанай усса ур МахIачкъалалив.
Ванал муданмасса хиял бивкIун бур гьарта-гьарзасса къатта ва цала оьрчIру ххилансса машина ласун. МахIмудапаннинал дустурал бусаврийну, ва усса ур хъинну дакI хъинсса, кумаг аьркиннал чIарав ацIайсса, дусшиву дан кIулсса адамина. Зийгу усса ур электромантажрал компаниялий директорну. Даврия махъсса оьннамур чIунгу МахIмудапаннинал харж дайсса дур, кулпатращал зунттавун игьалаган лавгун, ягу дустуращал футболданий уклай.
