Аьрасатнал ХIукуматрал май зурул 30- нний (2020) бувсса № 797 хIукмулий ккаккан бувну бур мушакъатсса, бугьарасса инсантал, ятинтал ва ургала акъа ливчIсса оьрчIру цала аякьалийн лавсун, чIумуйсса кьажимшиву дурсса инсантурал цукун ласунтIиссарив цанна дагьайсса хасъсса арцу.

Апрель зурул 1-нния байбивхьуну июнь зурул 30- ннийн бияннин гьарица зуруй 12130 къуруш дуллалиссар паччахIлугърал ва паччахIлугърал дакъасса идарарттай зузисса инсантуран, агана миннал стационар идарарттаяту ва стационар отделениярттаяту бувцуну, чIумуйсса цала аякьалийн мушакъатсса ва бугьарасса инсантал, ятинтал ва ургала акъа ливчIсса оьрчIру бувцуну. Миннан кьажимшиву дурну духьурча. Вай арцу дагьлагьиссар мукунмасса волонтертурангу.Ккаккан дурсса арцу ласуншиврул октябрь зурул 1-ннийнин (2020 ш.) аьрза булун аьркинссар Пенсиярттал фондрал кIанттул отделениялийн тиккунма лавгун ягу МФЦ- дайхчIин. Аьрзлущал бикIан аьркинссар паспортрал копия, ухьурча вакил. мунал полномочиягу.Аьрза ххалбигьайссар ххюва гьантлул ( зузи кьинирдал) дянив. Арцу дулун багьлай бухьурча, ми шанма гьантлул(зузи кьинирдал) дянив дичайссар аьрзлуй ккаккан дурсса счетрайн. Арцу къадулун ккаккан бувну бухьурча, Пенсиярттал фондрал , хIукму бувну хъиривмур кьини гьан байссар чагъар аьрза чивчуманачIан бувсса хIукмугу, арцу къадулун ккаккан баврил багьана буcласисса.

КIицI ларгсса арцу дулаврил хIакъиравусса хIукму щаллу буллалиссар июль зурул 9- нния байбивхьуну(2020 ш.)