ВУЗ- ирдавун буххаврил хIакъиравусса дахханашивуртту

2020 — 2021- ку дуккаврил шинал ВУЗирдал бакалавриатравун, магистратуралувун, специалитетравун , мукунма аспирантуралувун буххаврил низам ва тIалавшиннарду цIакь дурну дур 2020- ку шинал июнь зурул 15- нний бувксса (№726) Аьрасатнал КIулшивуртту дулаврил министерстволул хIукмулий.

Бакалавриатравун ва специалиетравун бухлахиминнал документру кьамул буллалиссар ЕГЭ- рду дулуннин. Цуппа ВУЗ –раву дулун аьркинми экзаменнал расписание ккаккан дурну дикIан аьркинссар ВУЗ- рал официал сайтрай июль зурул 15-ннийнин(2020 ш.).Буххан ччиминнаща булун бюхъайссар аьрза ва документру:

1) ВУЗ- рал электрон адресрай;

2) Онлайн сервис ишла дурну, паччахIлугърал ва муниципал хIаллихшиннардал цасса порталданийхчIин;

3) Пучрал оператортурайхчIин;

4) Цивппа лавгун.

ХIукмулий мукунна ккаккан дурну дуссар ВУЗ -равун кьамул байсса чIун , экзаменну дистанционнайну дулайсса чIун, электрон журалий аьрза булайсса куц.

КIулну бикIан, кIицI ларгсса дахханашивуртту мюхчаншиврул, законну ва ихтиярду дуруччаврил кадрарду хIадур байсса ВУЗ-ирдайн къащилащиссар/