[dropcap]А[/dropcap]ьрасатнал Кьиблалийсса жагьилтуран ххира хьусса XI Ухссавнил Ккавкказуллал жагьилтурал форум «Машук — 2020» гьашину батIинтIиссар августрай.
Амма гьашинумур форум хьунтIиссар ттинин цалагу къабувсса онлайн-форматрайсса.
З. АьбдурахIманова
Мунил сакиншинна гьар шинах дувайссар Ставрополлал крайрал ХIукуматрал, Миллатирттал иширтталсса буллалисса федерал агентствалул ва Аьрасатнал Президентнал цIания СКФО-лийсса жагьилтурал иширттаха зузисса федерал агентствалул.
2010-ку шиная шинмай батIлатIисса ва форум гьар шинах шайссар Пятигорскалия арх бакъа, Машук- зунттул ухнилу. Вайксса шиннардил мутталий шикку гьуртту хьуну бур 20 азарунниха ливчусса жагьилтал. Грантирдан лайкь хьуну дур жагьилтурал ххалдиргьусса жяматийсса ва культуралул иширттан хасъсса азаллихъайсса проектру.
Форум батIаврил хъунмур мурадгу миллатирттал дянивсса арарду цIакь дансса, жагьилтурал дянив дусшиврул гьанурду бизансса, культуралул ххазинартту буруччинсса ва ми машгьур буллансса бур.
Аьркинсса информация кIул бан ва гьуртту хьун ччисса жагьилтурал цIа-бакI чичин бюхъантIиссар «Аьрасатнал жагьилтал» тIисса информациялул системалул кумаграйну ва сайтрай https://myrosmol.ru/).
